امس كانت حفلة التخرج
الحفلة كانت بمناسبة تخرجنا   ( 5 أولاد وبنت ) من الثانوية ودخولنا الجامعة (دي الحفلة التانية)
انا سمعت انهم بيسوو حفلة من بداية الإجازة بس كل شوية يأجلوها
المهم امس الجمعة امي تقلي الحفلة اليوم يلا اتعبى  أنا اليوم الحفلة!
المهم بما انو الحفلة راح تكون في استراحة فلبست بطلون وتيشيرت
الإستراحة حق العيلة قريب من ( قرية مرسال )
وصلنا على المغرب
هم كانو مسوين مسابقات ومجهزين اشياء حلوة
نحن الأولاد سرنا فريقين بس بصراحة مو متكافئين يعني الفريق الي فيه انا كان اغلبو كبار وشوية من الصغار عكس الفريق الثاني مع انو رؤساء الفرق كل واحد اختار الي يبغاه
كانت أول لعبة شد الحبل عاد نحن فزنا مع انهم قالو عيدوها واتعادة 3 مرات بس فزنا
بعدين اللعبة الثانية كان فيها جري الفريق ينقسم لقسمين كل قسم في جهة
طريقة اللعبة يبدأ واحد من القسم الأول يروح للقسم الثاني وبعد ما يوصل يتحرك الي في القسم الثاني للقسم الأول وهكذا لين ما يسير الي في القسم الأول مكان الي في القسم الثاني والعكس
طبعاَ دي اللعبة يبالها جري وعاد أغلب فريقنا كبار  فطبعاً هم فازو
في لعبة من الألعاب كانت عبارة عن ايصال الكرة للسلة ( في ناس مغمضين يمشو وكمان في واحد يرمي يعني الكورة عشان توصل للنهاية يبالها وقت )
بعد 5 أو 10 دقايق الفريق الثاني خلص الكور نقل 8 كور ونحن 2 وكانو في 2 في الطريق ووحدة أنا جبتها لمن شفتهم خلصو قلت ممكن تفيد يعني المجموع 5
في النهاية انكفشو كانو يغشو في كور حاطينها في جيوبهم فسارة النتيجة انو نحن فايزين < انا اقلهم انتو ماتعرفو تغشو
وفي لعبة اخرى كانت عبارة عن اسئلة وكل واحد يجاوب يطلع واحد من الفرق الثاني والفريق المهزوم الي يخلص بسرعة
المهم في البداية نحن كنا لمن نجاوب نخرج الكبار والي عندهم ثقافة عامة اما هم بدؤ يطلعو الي ما يجاوبو بعدين انتبهو وسارو يطلعو الي يجاوبو كتير
المهم نحن طلعنا كل الكبار ما بقي الا 5 صغار من عندهم وطبعاً فزنا
النتيجة النهائية كانت فوز ساحق لنا امام الفريق الآخر

بعد المسابقات
لعبنا كورة  عاد انا ماني محترف في الكورة بس لعبت معاهم وبدعت
بعدين كان العشا كان مبشور ( الي هو مشوي )
بعد العشا كان في عرض مسوينو ( فيديو ) فيه اسماء الناجحين.
كانت في كيكة النجاح بصراحة كانت لزيزة
وبعد الأكل وكل شيء  بصراحة حسيت اني زدت 10 كيلو .

بعدين قالو في نطنيطة
عاد انا في البداية استحيت قد كده كبري وادخل النطنيطة وكمان كنت خايف تنفقع << أما دي قوية
المهم كل الأولاد دخلو  وقاعدين ينقزو  << ال من برا يشوفنا يقول اشبهم سايرين زي الصغار
بعدين كل واحد بدأ يستعرض ويتشقلب  انا ما اعرف اتشقلب  المهم حاولت ونجحت بس ما اتشقلب على الهوا زيهم حطيت يدي في الأرض < شيء احسن من لا شيء
من المواقف الي سارت في النطنيطة  في واحد طاح فيها عاد كل ما يحاول يقوم نقعد ننطنط فما يقدر
وكمان اخوية الصغير ( عمرو 3 سنوات ) كان برضو جوة بس كان على بطنو لأنو ما يقدر يقوم كل مايقوم يطيح

بعد ما خرجت من النطنيطة حسيت اني هضمت
وبعد كده رجعنا البيت
في السيارة انا قاعد اطالع في بنطلوني الأبيض شفتو سار بني
في النهاية الف مبرووووك للناجحين
وبدي المناسبة راح اذكر نسبي بس قولو ماشاء الله
الثانوية 98.31
القدرات 92
التحصيلي 84  < عاد انا كنت بايعها في التحصيلي