اليوم وانا رايح أودي اخويه لدله الساعة 10 ونص عشان يحدد موعد لأنو رسب 
،
انا اقلو منتى طالع على اخوك 
المهم وانا في الخط السريع بين التحلية وفلسطين انا في الخط الرابع << احلا مسار
وماشيء على 120 ( على القانون 
)
والا شوية الي قدامي يضغط فرامل! ويولع الفلشر
انا علطول فرملت وولعت الفلشر المهم مدري ليش كل الخط وقف! الاربعة المسارات كلها انا لا فحطت السيارة ولا صدمت في الي قدامي ولا شيء الحمدلله
وراية في مرسيدس ووراها ونيت 
الونيت اول ما فرمل السيارة فحطت وبدأت تروح يمين ويسار في النهاية صدم بالحاجز
انا قاعد اشوف من المراية السيارة صدمت زي لعبة درايفر في السوني صدمت والمقدمة طلعت فوق بعدين نزلت
انا اول مرة اشوف دا المنظر قدامي 
طبعاً هم وقفوا انا مشيت وكملت الطريق ( دي نقطة الكثير ما يسوها يقعدو يتفرجو ! وبدون فايدة بس زيادة عدد )بعد ما حمدت الله انو ماسرلي شيء
حوالي بعد نص كيلو متر كان الحادث طبعاً لمن وصت كان كا شيء راح بس آثار القزاز والونش في الركن قاعد يشيل السيارتين والمرور موجود
اتعلمت من دا الدرس
- الواحد مايسرع لأنو ما يعرف ماذا يخبئ له الطريق
- اذا كانت سيارتك من النوع الخفيف يعني وزنها اقل من 1.3 طن لاتسرع ( يعني تكون ابطأ من الناس ) لأن دي السيارات اقل ثبات في الأرض
- لا تنسى تقرأ دعاء ركوب السيارة
ايش هو دله أول شي ؟
والحمدلله ع السلامة أكره الحوادث وأخاف منها
بكرة وراي سفر بالسيارة .. الله يستر أحسني تعقدت
وصادق كثير ينسون يقولون دعاء ركوب السيارة ولا دعاء السفر للي مسافرين وأنا أولهم للأسف
ربي يسهل ..
[quote comment=”190″]ايش هو دله أول شي ؟
والحمدلله ع السلامة أكره الحوادث وأخاف منها
بكرة وراي سفر بالسيارة .. الله يستر أحسني تعقدت
وصادق كثير ينسون يقولون دعاء ركوب السيارة ولا دعاء السفر للي مسافرين وأنا أولهم للأسف
ربي يسهل ..[/quote]
الله يهديك يا هذووو
ما تعرفين دله ؟؟
وش لون تسوون قهوة؟؟
ومسوية فيها ربة بيت ومش عارف شو..
ها عرفتي وإلا لأ؟؟
…………………
الواحد مايسرع لأنو ما يعرف ماذا يخبئ له الطريق
^^
)
هذي عجبتني كثييير (يا تتكلم فصحى وإلا استريح
بس والله الطريق السريع حقكم ذاك خطيييييير
مع إنه الأن اربع مسارات.. لكن فيه عالم مجانين.. خاصة طلاب الجامعة الي ساكنين بالمحمدية..
………………………
هذيان:
دلة هي مركز لتعليم القيادة (السيارات طبعا)
[quote comment=”190″]ايش هو دله أول شي ؟
[/quote]
زي ما قال جي أي سي مركز لتعليم القيادة
وترى فيه مكان لإنتظار النساء بس حتى الآن مني عارف اش فايدتو
ودي قصتي معاه
http://6efy.com/blog/?p=13
[quote comment=”197″]
الله يهديك يا هذووو
ما تعرفين دله ؟؟
وش لون تسوون قهوة؟؟
ومسوية فيها ربة بيت ومش عارف شو..
ها عرفتي وإلا لأ؟؟
[/quote]
هههههههههههههههههه
[quote comment=”197″]
الواحد مايسرع لأنو ما يعرف ماذا يخبئ له الطريق
^^
)
هذي عجبتني كثييير (يا تتكلم فصحى وإلا استريح
بس والله الطريق السريع حقكم ذاك خطيييييير
مع إنه الأن اربع مسارات.. لكن فيه عالم مجانين.. خاصة طلاب الجامعة الي ساكنين بالمحمدية..
[/quote]
كأنو قصدك عليه
انا من المحمدية 
بس الي اعرفو انو الي يجو طايرين يكون من القرى المجاورة
بس ترى حأففظو عن ظهر قلب كل يوم حروم من نفس الطريق <<< والله مشوااار من المحمدية لين الجامعة
أنا اقووول شايفك من قبل…
ترى عندنا بيت ورا مطعم العروبة.. شكلنا جيران…
بس ترى أنا إلا رحت جدة.. نادرا انزل جنوب.. اكثر شئ (مرسال – الدرة – ابحر – الرحيلي)
يا حبي لمطاعم السمك (العنبرية) واااااااااااو
شكلي بأجي الويك إند
أجل حق سيارات
وتبوني اعرفه بعد هااه
الدركسون يالله عرفناه خخخخ
الحمد لله على السلامة
تجيني هستيريا من صوت الفرامل .. الله يكافينا وإياكم .
اول شي الحمدلله انه حفظك انتا و اخوك من كل مكروه
وثاني شي الالتزام بسلوكيات القياده الصحيحه تقي من الكثير من المخاطر ولكن وسط الناس الغجر مين اللي
يسمع الكلام فيهم
[quote comment=”199″]أنا اقووول شايفك من قبل…
ترى عندنا بيت ورا مطعم العروبة.. شكلنا جيران…
بس ترى أنا إلا رحت جدة.. نادرا انزل جنوب.. اكثر شئ (مرسال – الدرة – ابحر – الرحيلي)
يا حبي لمطاعم السمك (العنبرية) واااااااااااو
شكلي بأجي الويك إند :k:[/quote]
حماااس انا قريب من العروبة شايف وطني أنا قبالو تقريباً بس شوية جوة الحي
الجنوب انا ما اطيقو احسو خاج جدة
[quote comment=”200″]أجل حق سيارات 
وتبوني اعرفه بعد هااه
الدركسون يالله عرفناه خخخخ :D[/quote]
هههههههه
[quote comment=”201″]الحمد لله على السلامة
تجيني هستيريا من صوت الفرامل .. الله يكافينا وإياكم .[/quote]
الله يسلمك
انا من أول اقول الحريم ماينفعو يسوقو بس بعض الناس مو مصدقين
[quote comment=”203″]اول شي الحمدلله انه حفظك انتا و اخوك من كل مكروه
وثاني شي الالتزام بسلوكيات القياده الصحيحه تقي من الكثير من المخاطر ولكن وسط الناس الغجر مين اللي
يسمع الكلام فيهم[/quote]
الله يسلمك
كل شوية وانته ماشي يطلعك واحد
واحد ماشيلك على 80 في الخط الرابع
ولا واحد جاييك من الخط الأصفر !
ولا واحد مدري كيف يسوق عالم منتى داري من فين اخذت الرخصة
واخص شيء دولا السواقين الواحد اول مرة يمسك سيارة تلاقي مدري كيف ماشي
الحمد لله على السلااامه
من جد السواقه بالسعووديه تخوووف
زي واحد امريكي توه راجع من السعوديه يقول انا ما ادري ليش الحريم يبو يسوقون بالسعوديه
انتبهوووو وانتم تسوقون والبسووو حزام الامان ولا تسرعووون ولاتشغلون الراديو ولا تكلمون احد ولا تلتفتون <<< مسويه قلق
الله يستر عليكم
الحمدلله على سلامتك
تصير دائما في طريق السريع مثل هالقصص ..!!
انا بسئل نفس السؤال لية وقف في وسط طريق سريع ؟؟؟؟
كان ممكن تروح ارواح كثير من الناس
لكن الحمدلله على كل حال
الله يوفقك اخوك ان شاء الله وينجح بالسواقة وياخذ رخصة مع مرتبت شرف >> ايش دخل مرتبت الشرف
[quote comment=”206″]الحمد لله على السلااامه
من جد السواقه بالسعووديه تخوووف
زي واحد امريكي توه راجع من السعوديه يقول انا ما ادري ليش الحريم يبو يسوقون بالسعوديه
انتبهوووو وانتم تسوقون والبسووو حزام الامان ولا تسرعووون ولاتشغلون الراديو ولا تكلمون احد ولا تلتفتون <<< مسويه قلق
الله يستر عليكم :)[/quote]
الله يسلمك
مممم
الحريم انا اقول الشوارع مهي مكفية سيارات الرجال يجو يدخلو سيارات الحريم
غز الله راحت الدنيا شربة
النصايح حلوة حتى الراديو والكلام
عندنا ناس بالجوال يقعد يكلم وتحصلو في الخط رايح يمين وشمال 
[quote comment=”207″]الحمدلله على سلامتك
تصير دائما في طريق السريع مثل هالقصص ..!!
انا بسئل نفس السؤال لية وقف في وسط طريق سريع ؟؟؟؟
كان ممكن تروح ارواح كثير من الناس
لكن الحمدلله على كل حال
الله يوفقك اخوك ان شاء الله وينجح بالسواقة وياخذ رخصة مع مرتبت شرف >> ايش دخل مرتبت الشرف :ui:[/quote]
الله يسلمك
شوارع مكسرة وحالة
ليش يوقف الحادث اذا سار ولا سيارة من السيارات ما تتحرك لين يجي المرور عشان يرسم كروكي الحادث << في الرياض سمعت انهم بالكميرات يراقبو وخلاص ما يحتاج كروكي خاصة في الشوارع الرئيسية بس دي العاصم نحن لنا الله
ايشرك اخوية نجح
بس ما اخذ مرتبت شرف 
من جد يعني زي السريع 4 مسارت تلاقيه واقف كلو وبدون تفاتيش هادي ما سارت في العالم كلو