بمناسبة أول رمضان تشهده مدونتي

ابارك للجميع دخول شهر رمضان المبارك

رسالة لجميع زوار مدونتي

الشباب

بقرب رمضان

اهديلك
(سمبوستين) الحرفين
الاولين لعدوك والباقي
على خدودك!!

مبارك عليك دخول الشهر

لمن هم فوق30

لأحلى قمر..
عطر وزهر..
مع كرت.. يقول :
رمضان مبارك قبل كل البشر
اقرأ التدوينة كاملة..

امس العصر رحت مركز زين قلت خلينا نجرب زين وخاصة عرضهم شهر عليك وشهر علينا
المهم قلتلهم في شرايح زين قالولي دحين مافي بعد المغرب راح توصل جيتهم بعدين على الساعة 11 قلتلهم في شرايح قلي ايوه
هم حتى الآن ما بيستخدمو الكمبيوترات الموجودة واحد منهم قال لسه ماجات الباسوردات وكمان مابيطلعو الا مسبقة الدفع فقط
المهم اعطاني ورقة قلي عبيها وطلب بطاقة الأحوال الورقة بالإنجليزي
عاد انا عبيت نصها ونصها قلتلو ما اعرف قلي مو مهم تعبيها كلها
في خانة الحي شفتو كتب حي المحمدية !!!
انا قلتلو اش دراك اني في المحمدية
قلي ما تعرفني انا بشوفك في المسجد
عاد قلتلو اش اسمك قالي فلان الفلاني  << بصراحة الإسم اول مرة اسمعو مدري ممكن اكون اعرفو بس نسيتو
المهم اعطاني الشريحة وقلي مبروك
انا قلتلو فين الرقم << مني مستوعب اني حصلت على الشريحة
وراني الرقم
بصراحة مرررة حلو تخيلو طبعاً اول شيء 059  وبعدين في تسلسل حلو  زي كده 574787  هو مو مرة مميز بس سهل ينحفظ

دي صورة العلبة الي جوتها الشريحة ودليل المستخدم البطاقة تكون داخلة من الجنب ومافيها غرا زي الإتصالات

اقرأ التدوينة كاملة..

اليوم راح اتكلم عن كيفية شرح موقع او برنامج بطريقة يفهمها أغلب مستخدمين النت
خطوات اعداد شرح:

1. تحديد الشيء الذي تريد شرحه وجمع المعلومات
2. تجربة الموقع او البرنامج
3. تخيل الشرح أو كيفية الشرح
4. أخذ الصور
5. الكتابة على الصور
6. اخراج الشرح

اقرأ التدوينة كاملة..

قبل كم يوم رحت للسوبر ماركت الي قريب من بيتي (اسواق النجمة ) يعني هو مو كبير زي بنده  تقريباً زي الراية ودي الأشياء المهم انا كنت رايح اشتري مناقيش
رحت كده على الساعة 11 حصلت مافي احد عند الفرن! رحت الركن الي جنبو وقلتلو  خلاص قفلتو المناقيش ؟
كان في واحد فلبيني قلي لأ تعال الي جنبو يقلو بصوت راخي ليش قلتلو
انا في نفسي ضحكت عليهم
المهم بدأ يسويلي طلبي
شوية الا جات وحدة جنبي للأسف كانت كاشفة وجهها وشوية من شعرها باين
المهم انا قعدت بعدين شوية جا ابوها !!! انا استغربت انو ماقلها شيء كشف الوجه نقول عندهم مخرج بس الشعر والعباية الي احسها فستان

والمشكلة سعوديين لو قلنا اجانب ممكن تمشيها
المهم انا قلت مالي صلاح
لمن العامل خلاص بيغلف طلبي كانت السلة الي فيها اشيائي تحتها فقلتلها لوسمحتي
المهم اخذت السلة الا هية تسألني اش دا بيتزا كبيرة ولا وسط 
انا مسكت الضحكة في نفسي وقلتلها دا مو بيتزا دا مناقيش بالصوص  << هي تحسبو بتزا شكلها اول مرة تشوفو 

اقرأ التدوينة كاملة..

اول شيء هذا الموضوع للمبتدئين في التدوين أو في انشاء المواقع يعني مو للمتقدمين
أول شيء بعد ما تختار النطاق وتشتري المساحة ( من وجهة نظري انصح بإستضافة قودادي www.godady.com ) وتشئ المدونة
هناك اشياء لابد من عملها لكي تصبح المدونة موجودة في قوقل ولها ترتيب في الكسا

أول شيء قوقل اقصد الشيخ قوقل
هناكـ طريقتين لجعل قوقل يدخل للمدونة ويأرشف الملفات
طبعاً فايدة قوقل انو يجبلك زوار مثلاً انا حالياً كل يوم يدخل للمدونة 100واحد من قوقل طبعاً دا اعتبرو ممتاز بالنسبة لمدونة سرلها اربعة شهور ونصف
أول طريقة: تروح دا الرابط
اتبع الصورة

اقرأ التدوينة كاملة..

لمشاهدة المميزات بالإنجليزي في مدونة وورد بريس

اقرأ التدوينة كاملة..