فاكس المدرسة | مدونة طيفي

قبل كم يوم جاني اتصال من جامعة الملك فهد للبترول والمعادن
قالو لي بما انو درجاتكـ عالية في اختبار القدرات فإنته مرشح للذهاب لرحلة تعريفية للجامعة
والسكن والطيران على حساب الجامعة يعني ما عليه الا اني اوافق
وارسل بالفاكس اسمي ورقم فاكس وإذا كان سيرافقني احد ولا لوحدي
أنا سألتهم ما تقدرو رسلو الأشياء على الإيميل طبعاً للأسف كان الجواب لا

اليوم وفي المدرسة اتصلوبي مرة تانية < << عندنا مسموح الجوالات بس ما تطلعها قدام المدرسين
الهم
قالولي يبغو فاكس المدرسة

أنا رحت للوكيل
المشكلة انو لايبتسم في وجهكـ < < كأنكـ مسجون ولا مذنب
ويكلمك بطرف خشمو
وهو الوحيد الي عندو فاكس
المهم قلتلو الحكاية
قلي هم يبغو ينسقو معانا ونحن مانعين الرحلات للطلاب < << أتوقع هو يبغاني ما اروح
لأنو في رحلة نتظمها المدرسة بحوالي 1000 ريال < << لا تسأل فين تروح الفلوس:(

أنا رحت اتصلت علبى الجامعة وقلتلهم
قالولي مانبغى ننسق ولا حاجة بس نبغى نخطرهم بأنكـ موجود بشكل رسمي عندنا في الجامعة في داك اليوم

رحت مرة تانية للوكيل
قلتلو قالي ما يحتاج الفاكس خلاص انته رحت ولا لأ ؟؟
قلتلو لسه
قلي لمن تغيب خليهم يعطوكـ تقرير ولا ابوكـ يكتب خطاب
وكمان ترى الفاكس خربان

في النهاية موظف الجامعة قالي خلاص خير انشاء الله يا مليباري

طبعاً شكلهم
متعودين مع دا التعامل مع المدارس

في النهاية عندي سؤال
لمتى سنبقى بهذا التخلف ؟؟؟؟؟
ولمتى تهتم بمصالحنا الشخصية قبل المصالح العامة ؟؟؟؟

تحياتي
الإعصار الأحمر

تعليقان (2) على “فاكس المدرسة”