السبت خلصنا آخر اختبار وهو اختبار العملي لمادة CPIT 100
انا ما اعترفت بالإختبار لأن الإختبار كلو عن الوندوز والوورد
يعني خلصت الإختبارات يوم الخميس
السنة التحضيرية
السنة التحضيرية سواءً في جامعة الملك عبدالعزيز (بتكلم عن التخصصات العلمية ) او الملك فهد
فيها عدة اختلافات
جامعة الملك عبدالعزيز تنحسب السنة التحضيرية عكس جامعة الملك فهد
ايضاً ساعات الحضور جامعة الملك فهد 32 ساعة اما الملك عبدالعزيز 27 و 24 يعني اذا السمستر الأول 27 ساعة السمستر التاني العكس
جامعة الملك عبدالعزيز معدل السنة التحضيرية داخل في المعدل العام والمواد العلمية فيها ذات مستوى عالي
عكس جامعة الملك فهد معدل السنة التحضيرية لايدخل في المعدل العام والمواد العلمية ليست ذات مستوى عالي
المواد
الماث MATH
تدرس التفاضل والتكامل جامعة الملك عبدالعزيز اما البترول فتدرس المجموعات والعمليات ( وبعض المواضيع بسـ مايتطرقو للتفاضل والتكامل ) – لاتخاف راح تاخذ التفاضل والتكامل في جامعة الملك فهد لكن بعد السنة التحضيرية
الفيزيكس PHYS
تدرس في جامعة الملك عبدالعزيز الميكانيكا اما جامعة الملك فهد لا ادري بالزبط اش يدرسو لكن فيها نظريات بور ودي الأشياء – برضو نفس الكتاب الي يدرسوه جامعة الملك عبدالعزيز في السنة التحضيرية تدرسو جامعة الملك فهد مع زيادة في عدد الشابترات مابعد السنة التحضيرية
احصاء STAT
تدرسها في السنة التحضيرية في جامعة الملك عبدالعزيز ام البترول لا اعلم انهم يدرسو دي المادة
احياء bIO
دي المادة تدرس في جامعة الملك عبدالعزيز فقط
لغة انجليزية ELCS
في جامعة الملك عبدالعزيز تدرس بكيج interactions 1 و interaction 2 وعدد ساعات الحضور 15 ساعة
اما جامعة الملك فهد لا ادري المنهج لكن المناهج استراليه وعدد ساعات الحضور 20 ساعة
مهارات اتصالCOMM
دي المادة تدرس في جامعة الملك عبدالعزيز فقط
مهارات جامعية
دي المادة تدرس فقط في جامعة الملك فهد
حاسب آلي CPIT
هذي المادة تعادل شهادة الـ ICDL موجودة في كل الجامعتين
كيمياء CHEM
دي المادة اتوقع موجودة في كل الجامعتين
ايضاً جامعة الملك فهد فيها الرياضة الزامية
طبعاً كل انظمة السنة التحضيرية لها سلبيات وإيجابيات
انا راح اذكر سلبيات جامعة الملك عبدالعزيز اما جامعة الملك فهد ما اقدر احكم عليها الا بعد تجربتها 
السنة التحضيرية في جامعة الملك عبدالعزيز لم تراعي التخصص يعني مثلاً انا ابغى اسير مهندس ليش ادرس احياء ؟ او ابغى ادخل طيب ليش ادرس تفاضل وتكامل؟
نجي لكتب السمستر الأول في جامعة الملك عبدالعزيز – الخطة أ
بما اني في الخطة ( أ ) أو (A) فراح اذكر الكتب الي ادرسها
دي صورة الكتب الي ادرسها 
راح ابدأ من اليمين
- كتاب Fundamentals of Physics
- كتاب CALCULUS
- دفتر الرياضيات
- كتاب المتميز في التفاضل والتكامل
- كتاب interactions 1 – Grammar
- كتاب interactions 1- Reading&Writing
- كتاب interactions 1- Listening&Speaking
- كتاب (English For Academic Purposes (EAP science
- كتاب الحاسوب والبرمجيات الجاهزة (يعادل ICDL4 )
- كتاب مهارات الإتصال
- دفتر الفيزيا
ومن موجز الكتب للتفاصيل << نشرة أخبار 
اول شيء كتاب Fundamentals of Physics
دا الكتاب تبع منهج PHYS 110 طبعاً ماندرس الكتاب كلو بسـ Ch.1,3,2,4,5,6,7
على فكرة اخوية في KFUPM في السنة التانية يدرس نفس الكتاب ونفس الشابترات بس زيادة عننا كم شابتر
انصحك تجيب معاك آلة حاسبة علمية CASIO fx-991ES سعرها تقريباً 60-80 ريال لا ادري الآن ممكن مع الأزمة العالمية يرتفع السعر 
كتاب CALCULUS
دا كتاب التفاضل والتكامل برضو ماندرسو كلو بسـ Ch.0,1,2,4
و كتاب المتميز في التفاضل والتكامل انا اشتريتو عشان التمارين اللي فيه بسـ هو مو مطلوب ولاشيء يعني زيادة 
كتاب interactions 1
كل الكتب الأربعة تجي في مجموعة وحدة
ومعاها DVD فيه كل الـ Listening و الـ Reading عبارة عن mp3
بصراحة الكتاب جداً رائع
كتاب الحاسوب والبرمجيات الجاهزة (يعادل ICDL4 )
دا الكتاب في خاصية عجيبة من منظر الكتاب تعرف صاحبو ذاكر ولا لأ
حيث انو مع المذاكرة تتساقط الصفحات !
الحل انكـ اول ماتشتري الكتاب تخرمو وتربطو بخيط عشان ماينفك ولا تقعد كل محاضرة تلملم الأوراق 
الكتاب عربي وانجليزي بسـ الأسئلة في الإختبار تجيك نصها عربي ونصها انجليزي
انا ما انصح احد يشتريه الا اذا كان مقرر عليه لأنو كتاب سيء ، يناقض نفسو في مواقع كثيرة غير التعريب السيء لبعض الجمل زي لمن اقلك مكتشف النوافذ ماهو ؟
اتوقع الجميع سيتوقع شيء غريب لكن هو وندوز إكسبلور ( مهو متصفح النت متصفح الملفات ) ايضا ماهو الإستنهاض ؟
انا اول ماقرأت الكلمة مافهمت شيء حسبت يتكلم عن واحد وليس الكمبيوتر لكن هو طله البوت Boot
كتاب مهارات الإتصال
دا الكتاب مافي الا لون واحد وهو الأسود !
بصراحة مررررة كئيب والأسلوب العرض جداً سيء << على فكرة دي المادة الوحيدة الي ندرسها عربي
الدكتور يقول ممكن راح يغيرو الكتاب
نصيحة لجميع طلاب السنة التحضيرية
اول شيء اغلب الي بتاخذو عبارة عن اعادة لمرحلة الثانوية
اهم شيء في دي السنة اللغة الإنجليزية فقط
اذا كانت انجليزيتك سيئة وانته ممتاز في المواد العلمية
لاتهتم بالمواد العلمية فقط اعطيها وقت قليل من مذاكرتك وركز على الإنجلش
اما اذا كنت سيئ في الإثنين فشد حيلك واجتهد نظم وقتك واترك اللعب وكل شيء فقط ركز على دي السنة لاتقول صعب في ناس سووها
هذي بعض النصايح والكلمات عن السنة التحضيرية ربما سأتحدث عن السلبيات والإيجابيات وامور اخرى تتعلق بدي السنة لكن بعد ما اجتازها ان شاء الله
دعواتكم لي بتحسن لغتي الإنجليزية نفسي اسير بلبل في اللغة
ياااه من زمان عن عالم المدونات..
الاختبارات مابقت لنا وقت..
ماشاء الله شرح حلو وواضح للنظام..
بالنسبة للانجليزي حاول تعطيها كتير من وقتك وبإذن الله راح تعطيك أكتر
خصوصا وإنو المواد كلها بالانجليزي من دحين وطالع
بس في نفس الوقت لاتحس إنها صعبة لأنها راح تجي بالممارسة والتعود
يعني حاول تتكلم بالانجليزي كتير وخصوصا في الجامعة مع الزملاء والدكاترة
الله يوفقكم يارب ويفتح عليكم وييسر لكم كل عسير
<< طبعا من ماي برذر
—–
عالهامش.. اختباراتكم اللي خلصتوها تعرف كم عليها من مية!!
وبعدين كتاب الفيزيا مهم انو كل طالب يكون عنده << أخويا ما أشتراه وابا أتأكد
حاسة إني راح
مممم
توزيع الدرجات 30 دوري أول 30 دوري ثاني 40 نهائي
معادى الإنجليزي 25 25 40 و10 دي بيد المدرس
الحاسب 10 دوري اول 10 دوري ثاني العملي الأول 25 العملي الثاني 25 ثهائي 30
كتاب الفيزياء
اخوكي يبغى يوفر المكافئة
مو مهم ممكن تستغني عنو بسـ عن نفسي افتحو ووقت ما اذاكر للإختبار
بس ما اجيبو في المحاضرة لأنو ثقيييل
بس نصيحة خلي يشتري ويقرأ منو شويه
<<< اتوقع اخوكي لو شافني بيعطيني زي كده
جميل عرضكـ لما تدرسه في الجامعة
و مقارناتكـ بين الجامعتين جميله ايضا ً
في الاخير … اتمنى لكـ التوفيق يا اســــد
أنا ألاحظ هالسنة بعد جامعة الملك فيصل صار عندها سنة تحضيرية ..
ولكني أحسها ما تعطي القوة الحقيقية للطالب أو الطالبة خاصة في تخصصاتنا
بعد ما كانت المادة الاساسية البيسك ديزاين تاخذ تقريبا 12 ساعة في الأسبوع صارت تقريبا 8 ساعة بس!!
وبعدين صار التركيز على الحاسب وهو منهج بسيط جدا جدا ومافيه أي علاقة بالتخصص يعني مجرد اساسيات أتوقع الأغلبية يعرفونها ..
موقع يا إعصار ..
وأن شاء الله هالسنة النجاح
السلام عليكم ,,
) ماسوتوا ..
”
والله يا عامر طلعت مو هين ..
ايش الحركات هاذي ياواد ..
مسوي استعراض للمناهج .. الجامعة (
على كل انا وراك وراك
—————————-
عندي تعليق بسيط ,,
السنة التحضيرية عندنا أصعب بكثير من الملك فهد ..
هما مايدرسوا الا رياضيات وانجلش كمواد علمية فقط ..
يعني عندهم اضافت اخرى زي : ” تقنية هندسية , مهارات جامعية ، رياضة
أما احنا ويا قلبي لاتحزن ..
حرك الماوس شوية على فوق وراح تعرف ..
فيزياء و رياضيات على شوية كيمياء بنكهة الانجلش وبالله عليك زود الأحياء >>> يطلب في بوفية
—————————
الله يعيننا بس ,,
احنا سيم سيم البترول
مممم بس مين قال مناهج البترول استرالية ؟
نفس باكج الانترآكشن 1 وتو
بس هذولي الكتب بالشكل الجديد
قبل كانو بالالوان الاربعة خخخخخ
تغيروا من العام
يدلعوونكم ومسوين ملمس الصفحات حلوو وكذا
مهاارات جامعية هي المادة الوحيدة العربي في السنة التحضيرية
والفيزكس في السنة التحضيرية أذكر كان فيه عن الضوء والكهربا والحركة > > انسانة فااااشلة بالفيزكس
الكمستري أحللللللللللى ماادة بالبريب
أحس تو متش بعبدالعزيز ومش مركزين ع الانجليزي مرا
.. مافي أي فايدة من دراستهم للبيولوجي ..!! 
يعني المفروض انها تحضيري .. ويكون على حسب اللي راح يتخصصه الطالب بعدين
مثلا ً اللي يبغون يدخلون كليات صحية ياخذوا البيولوجي وما ياخذوا الكالكلوس ..
واللي زيك هندسة بدهم
اللي مسوي النظام عندكم ما تعب نفسه يفكر ولو شوي
مممممم الله يوفقكم وتتخصصون وتصيرون كبار زيي
أحمد العطاس
آمين يارب
عبدالله الغامدي
شكلك انته نفس الي في كلاسي
منجد الله يكون في عوننا
Jaz
ممكن المناهج بسـ المخرجات فرق السما والأرض
ترى في كم كلية آخذة مناهج البترول زي كلية ينبع وكلية الجبيل بس المخرجات جداً سيئة
[quote comment=”538″]
على الغلاف في شعار بوابة الطير والخيمة الرياضية
مممم بس مين قال مناهج البترول استرالية ؟
نفس باكج الانترآكشن 1 وتو
بس هذولي الكتب بالشكل الجديد
قبل كانو بالالوان الاربعة خخخخخ
تغيروا من العام
يدلعوونكم ومسوين ملمس الصفحات حلوو وكذا
[/quote]
انا
ولد عمتي دي السنة بيدرس سنة تحضيرية
واخويه العام
ولد عمي بياخذ مناهج استرالية
واخوية العام كان ياخذ كتب من تأليف دكاترة في الجامعة
ما اخذو انترآكشن
ممكن وقتكم بسـ دحين اتغير الوضع
نحن دي نسخة مخصصة لجامعة الملك عبدالعزيز
في اول صفحة في الكتاب في شكر لكثير جامعات ومعاهد منها جامعة الملك عبدالعزيز والإمام والملك سعود
[quote comment=”538″]
والفيزكس في السنة التحضيرية أذكر كان فيه عن الضوء والكهربا والحركة > > انسانة فااااشلة بالفيزكس
الكمستري أحللللللللللى ماادة بالبريب
[/quote]
يعني بيسك
[quote comment=”538″]
.. مافي أي فايدة من دراستهم للبيولوجي ..!! 
أحس تو متش بعبدالعزيز ومش مركزين ع الانجليزي مرا
يعني المفروض انها تحضيري .. ويكون على حسب اللي راح يتخصصه الطالب بعدين
مثلا ً اللي يبغون يدخلون كليات صحية ياخذوا البيولوجي وما ياخذوا الكالكلوس ..
واللي زيك هندسة بدهم
اللي مسوي النظام عندكم ما تعب نفسه يفكر ولو شوي
مممممم الله يوفقكم وتتخصصون وتصيرون كبار زيي :D[/quote]
انجليزيتهم سيئة جداً
الإنجلش مركزين عليه لأنو اهم شيء تعرفي اغلب الطلاب زيي
وعلى النقطة الثانية بصراحة انا منقهر على الأحياء الي راح آخذها
الله يعينكم
وكل جامعة ولها نظامها
تحياتي
مخرجات كلية الجبيل الصناعية سيئة ..!!
يمكن شرق يمكن ..
مين ناقل لك المعلومات الغلط هذه ؟
بالجبيل هنا الشركات تتساااابق على خريجين هالكلية
ولد جيرانا بعدوو ما تخرج يعني لسه ما استلم وثيقته وخلاص وظيفته انضمنت وعرف كم راتبوو وكلش في وحدة من بنات سابك بس نسيت وش اسمها
وأخوه قبله في شركة ثانية ومتخرج من نفس الكلية
وأصلا ً كثييييييير من طلاب الكلية يتوظفوون ويكملووون فيه بنظام التفرغ الوظيفي لأنو الشركات بدها هيك 
معليش بس كلية الجبيل الصناعية تووووب جدا ً وما يعرف هالشي يمكن إلا أهل الجبيل لأنهم شايفين الوضع كيف مع الشركات وكيف إنها تفضل طلاب هالكلية بشكل مو طبيعي ..
ع فكرة أنا ما أدرس فيها عشان ما تقول متعصبة لكليتها
أصلا ً هي كلية عيال بس ( أولاد ) خخخخخخ
خليفة
آمين يارب
Jaz
مممم
مدري ممكن كلامك صح بسأل اخويه الي في الشرقية
بسـ فكري ليش مناهجها آخذتها من جامعة الملك فهد ؟
ما تقدر تعمل مناهج خاصة بيها ؟
[quote comment=”542″]ع فكرة أنا ما أدرس فيها عشان ما تقول متعصبة لكليتها
أصلا ً هي كلية عيال بس ( أولاد ) خخخخخخ :lo:[/quote]
خخخخخخخخخخخ
طيب ممكن اخوكي يدرس فيها <<< يشكلي
اخواني كلهم في جامعة فيصل
عاتي الكتب شيى جميل
..
موضووع حلوو
انا برضوو من طآلبات السنة التحضيرية دي ..
في البدآيهـ مررة كونت حاقدة عليهاا انو سنة زيادة وكداا
والواحد مو ناقص ..
بس لما قالو انو عادي تعتبر سنه من التخصص ارتحت نفسياا..
ولوو اني لين دحين مقتنعه انها سنة مالها داعي
كانو بيعيدو تاهيلنا وندرس ثنويه مر تانية ..
كل المواد نفس الشي.. خاصة احنا اللي متخرجين من النظام المطور
حتى مادة مهارات الاتصال دارسينها.. ودرسنا تربية صحية وادارة وكلام كداا
مفروض انتهينا من دا كلوو وندخل الجآمعة على التخصص حقتناا سيدآآ
..
بس همآآ بيعملوو كدآآ عش يزيدوو وقت في صالحهم .. ياخرو الخرجين
ويقللو من الطلاب ويحصرووهم.. يقاالك بيعالجو البطاالة انو مافي وظايف
باللهي يعلموناا مو مشكلة.. وبعدين الارزاق بيد ربنآآ ..
دا غير انو عاملينلنا شروط قاسية في السنة هادي..
زي انو مافي حمل لموادها.. وعندك فرصة لين ترم زيادة..
ازا ما انهيت كل البرنامج .. على طوول آآآوت ولا تفكر انو تنقبل ..
والتخصصات بعدين عاملتلها معدلات عالية للقبول
وازا كونت علملي ومعدلك ناازل ماتقدر تتخصص حتى في قسم ادبي..
خلااص ارجع بيتكم خخخخخ
وحاجات كدا يعني تجيب الصدآآع
بس مدري ازا دا عندنا البنات وانتو كمان.. ولا احنا بس
الشي الحلو فيهاا زي ماقولت الانجلش
يعني الواحد يتهيأ لغوياا عشان يقدر يكمل بكرا في تخصصو وهوا مرتاح
بس ياحسرتي. جاتنا معيدة.. اللع لا يعيده على احد..
دوبها متخرجة وشرحهاا ابو مشي حاالك ..
واناا درجتي في اللغة تحت الصفر خخخخخخ
امنيتي اتعلم انجلش تماام .. << بس شكلها من الامنيات اللي حتبقى في قائمة الامنياات
ههههههههه
يلاا بس الله يكوون معاناا .. ويعدي السنة دي على خير بيناا..
بالتووفيق
,,,
شكرا جزيلا على مجهوداااتكم .. موقع راائع الصراحة ..
الله يعينكم ويعيننا على كل حال هل تطلب الجامعات الان درجة أمتياز بالثانويه او لا
وآآآآآآآآآآآآآآآآآآآآو شَكل الكُتبْ مرآ حلو
سلا م
هذي نفس الكتب احنا ندرسها بالجامعة
الله يعينا عليها يارب
تقريبا نفس التحضيريه لجامعه نوره بس حنا زياده مهارات الدراسه وكانو مكثفين الانجلش مرا والبنسبه لماده البيلوجي *الاحياء*بلعكس ماراح تندموا لودرستوها وفيها عملي ونضري بس النضري صعب شوي والرسمات يبليها تركيز واناتخصصت الحمدلله تمريض وماكان عندي اي لغه بس ربي سهلها بس شدوا حيلكم
—————————————————————————