دا الموضوع تقريباً تكملة للموضوع السابق
حبيت يكون في موضوع مستقل لأنو كلو راح يكون كلام فقط بدون صور

اول شيء قبل لا تختار الدومين فكر اش تبغى تسوي بالتحديد ؟

يعني لا تقول ابغى اسوي منتدى وبسـ ! في مليون منتدى عربي لكن الناجحة منها لا تتعدي الـ 100 منتدى
ايضاً المدونة نفس الكلام في مدونات كثيرة لكن قليل منها ذا قيمة
قبل ان تنشئ موقعك فكر ماذا ستكتب ؟ ما الذي تريد الوصول اليه ؟ ماهو هدفك؟
ضع كل هذه الأمور في مخيلتك ويستحسن ان تكتبها

بعد ذلك ابدأ في اختيار الدومين المناسب مع اسم موقعك وتأكد من ان الدومين متاح

بعد ذلك قم بشراء الموقع وتطبيق كل ماخططت له أو ممكن تبدأ على استضافة مجانية ثم تحول لدومين خاص وهذا انا احسو افضل من ناحية انكـ تقدر تجرب فكرتك

بعض المشاكل التي قد تواجهك

اختيار الدومين

انا من الناس الي جاتهم مشكلة في اختيار الدومين
فمن تجربتي اقول حطلك حوالي 5 أو عشرة اسماء لموقعك مع الدومينات الي تركب عليها
طبعاً حاول تبتعد عن الأرقام زي مثلاً موقعي اسمو طيفي والدومين 6efy  هو انا اخذت دا الدومين عشان ما كان عندي خيار آخر لكن الدومين الأحلى انا يكون مثلا طيفي tefy
لكن اذا ماحصلت ممكن تاخذو

حجز الدومين

كتير ناس ( وانا منهم ) ماعندهم فيزا او ماستر كارد
مولازم تدفع بالكردت كارد حقك ممكن تكلم ابوك او اخوك او اي واحد يقربلك عندو كردت كارد يدفعلك
او ممكن عن طريق بطاقة One Card ون كارد
بطاقة الـ ون كارد بطاقة مسبقة الدفع تسجل في موقعهم وبعدين تشتري بطاقة ون كارد او ممكن تشحن عن طريق التحويل البنكي ( نبذة عن بطاقة الون كارد )
بعدين تروح تشتري بطايق Godaddy ( هناك شركات استضافة اخرى تقدر تشتري منها عن طريق الون كارد بسـ كلها عربية )
مشكلة ال ون كارد انك محدد بقواداي فقط وليس لديك خيار لإستضافة اخرى

اليأس من نجاح الموقع

لا تتوقع من اول يوم راح ينجح موقعك ويسير عدد زوارو 1000 في اليوم
لازم تصبر في البداية يمكن مايزورك ولا واحد في اليوم دا شيء طبيعي لموقع في بدايتو
لكن حاول تحسن علاقتك مع محركات البحث عن طريق الأوسمة لأن اغلب زوار موقعك سيكونون من محرك البحث قوقل

مشكلة ادارة الموقع او بالأصح التعامل مع لوحة التحكم

اغلب لوحات التحكم Cpanel وهذي تقريباً سهلة في التعامل ولها شروحات كثيرة لأنها الأكثر انتشار
هناك مواقع استضافة تستخدم لوحات تحكم خاصة بها مثل قودادي (Godaddy) لديهم لوحة تحكم خاصة مختلفة جداً عن ال Cpanel
وهنا تواجهك المشاكل طبعاً مالك الا تسأل في منتديات متخصصة او تراسل الدعم حق الإستضافة
على مثال انا حتى الآن مني عارف كيف اسوي سب دومين  (دومين فرعي ) بس انشاء الله في الإجازة القادمة اراسل الدعم

استضافتي الي هيه قودادي Godaddy

بالنسبة ليه مررررة مرتاح مع الإستضافة لامشاكل ولا توقف ولا بطئ في الموقع
لوحة التحكم زي ماقلت مختلفة جداً لديهم لوحة تحكم خاصة بهم
بما اني اول مرة اجرب لوحة تحكم جربت قودادي فما وجدت صعوبة كبيرة في الأشياء الأساسية

بعض العيوب في لوحة التحكم

عيب لوحة التحكم اول شيء الوصول لها لازم ادخل موقع قودادي ومن الموقع ادخل لوحة التحكم (ما ادري في طريقة مختصرة ولا لأ )
ايضاً كل عملية يقلك انتظر بعد دقائق تنفذ مثلاً انشاء قاعدة بيانات يقلك من دقيقة لـ 5 دقائق ايضاً تعديل بيانات FTP ياخذ وقت لكن اقل

اما مميزاتها (من وجهة نظري )

اول شيء الأمان عالي جداً ومايسمحلك اي باسورد تحطو في البداية كنت اضايق لأنو يلزمك تحط حروف كبيرة وحروف صغيرة وارقام في الباسورد بسـ بعدين اكتشفت انو احسن ، ايضاً الموقع في سيرفر والبريد في سيرفر وقواعد البيانات في سيرفر آخر يعني لو سارت مشكلة في سيرفر الموقع مايتعطل عليك الإيميل ايضاً قواعد البيانات ممكن تستخدمها في اي موقع آخر غير موقعك واخيراً رخيصة جداً

في اشياء حتى الآن ماعرفتها

وهي هل توجد طريقة مختصرة لدخول لوحة التحكم ؟ ماهو الـ SLL  ؟ من فين اعمل باك اب كامل للموقع ؟ كيف اعمل دومين فرعي لموقعي جربت احط السب دومين في الـ Host لكن ما سار شيء ! روحت لـ النطاقات حقي ما احصل موجود دومين فرعي لدوميني
الشيء الوحيد الي قدرت اسويه اني اعمل دومين فرعي يحولك لرابط بس انا ابغى الدومين الفرعي يشتغل بنفسو

اتمنى تكون تدوينتي واضحة:)
واي واحد عندو اقتراح او انتقاد يتفضل البيت بيتك << اقصد المدونة مدونتكم