سبق وان حددت ثلاثة جامعات لنفسي في تدوينة سابقة
كنت اريد جامعة الملك فهد لكن لكن ابي لم يوافق 
!
أنا استخرت ودعيت وسويت الي عليه والباقي على الله 
المهم اليوم كان موعد القبول بجامعة الملك عبدالعزيز بصراحة كانو منظمين
انا كان موعدي من الساعة 8 الى 9 ( أول دفعة ) المهم الإجراءات ما كان فيها ولا مشكلة منظمين وكل شيء بس الوحيد الي اخرنا بنكـ سامبا
من المواقف الطريفة احد اصحابي كان أول واحد يسجل فالمشرفين جو يسحبو رقم التقديم بالبارت كود طلع في مشكلة وما سار ما يقرأ المهم بما انو صاحبي الأول فتأخر شوية جاء عميد القبول قال للمشرفين اش رايكم نشغل الخطة البديلة ! صاحبي انبله 
في خطة بديلة !!!
المهم كل شيء سار مزبوط أول شيء كان فلم تعريفي عن الجامعة بعدين مرينا على مجموعة قامو بتدقيق البيانات بعدين رحنا غرفة حطو الأوراق في ملف وسجلو الإسم وخلونا نروح لقاعة اخرى انتظرت حوالي 10 دقائق جات بطاقتي الجامعية بعدين رحت لقاعة فيها مندوبين من سامبا ( عشان صرف المكافئة 
) بس قبل ما ادخل القاعة وزعوا حلويات 
، انا بصراحة حست مع حقون البنكـ طلبو مني اوقع عشرين مرة ! في كل مكان وقعت بس في النهاية طلعت مو كل التواقيع متطابقة!! رحت عدت التوقيع من جديد ، بعدين رحنا قسم شؤون الطلاب المهم كان في ناس من الجوالة اعطونا استمارة نعبي فيها الهوايات و الأندية الي نبغى نشترك فيها انا بصراحة كنت احسب الجامعة مافيها اندية كنت احسب بس جامعة الملك فهد فيها اندية للطلاب! ، بعدين رحنا في جولة تعريفية ، من الأشياء المهمة جميع المباني الأكاديمية سيتم استبدالها بمباني جديدة خلال سنتين ما عدا كلية الطب لأنها جديدة.
على البركة القبول بالجامعة وأتمنى لك التوفيق
الجامعة ممتعه لكن خذ لك تخصص تحبه ولا تغلط مثل بعض الناس
حركات سامبا خلوكم توقعون أنا ما خلوني أوقع
يمكن لأنه كانت ببداية بطاقات الصراف بجامعة الملك سعود
بس بيني وبينك ارحم كثير من الوقفة علشان تاخذ شيكك
موفقين
مبروك القبول بالجامعة
وربي يعينك على المشوار….
موفق
لماذا يا أبا عمار
صدق ؟
يعني ما رحت البترول
طيب مبروك
مراد
الله يارك فيك
مدري كيف ما خلوك توقع التوقيع شيء اساسي في البنوك بس تصدق اخويه قلي ماتحتاج التوقيع في دا الحساب
[quote comment=”159″]مبروك القبول بالجامعة
وربي يعينك على المشوار….
موفق[/quote]
الله يارك فيكـ
والله من دحين انا افكر اش اسوي وخاصة انو انا واخوية جداولنا مختلفة وكمان الخط السريع يقولو زحمة بس الله يعين
سؤال يجول بخاطري متى يوسعو شوارع جدة ؟؟؟
[quote comment=”160″]لماذا يا أبا عمار :j:[/quote]
والله اسمي عامر مدري من فين الناس يسموني عمار ولا امير !!!
انا في النت عندي 3 اسماء عامر والإعصار الأحمر ودا الأخير طيفي بس احب يقال لي الإعصار الأحمر
لماذا ؟؟؟
!!
انا نفسي أسأل هذا السؤال
[quote comment=”161″]:j:
صدق ؟
يعني ما رحت البترول
طيب مبروك :)[/quote]
كأنها من دون نفس
تخيلي كنت من أولى ثانوي وانا اقول البترول البترول ابغى اروحهال وكانو يقولولي مالنا صلاح في مستقبلك انته اختار الي تبغى
شكلو عشان اخوية الي اكبر مني راح البترول
بس السنة الي فاتت انقلبو عليه
الف الف مبروووووك
عقبال التخرج يارب العالمين
بالتوفيق دائما وابدا يارب
يووه لا لا والله سوري
بس اعتبرتك زي اخوي الصغير .. وتمنيت لو انك فعلا دخلت البترول لأنك مررة مميز وممتاز بسم الله عليك ..
بس ما تدري وين الخيرة سبحان الله .. دام ربي يسر لك دخول عزوز يمكن الخيرة لك هناك ..
الله يوفقك شد حيلك وين ما كنت وأثبت نفسك
اختك \ هذو
[quote comment=”180″]
يووه لا لا والله سوري
بس اعتبرتك زي اخوي الصغير .. وتمنيت لو انك فعلا دخلت البترول لأنك مررة مميز وممتاز بسم الله عليك ..
بس ما تدري وين الخيرة سبحان الله .. دام ربي يسر لك دخول عزوز يمكن الخيرة لك هناك ..
الله يوفقك شد حيلك وين ما كنت وأثبت نفسك
اختك \ هذو :D[/quote]
ههههههه
تراني امزح
و على هرجة البترول زي ما قلتي الواحد مايدري فين الخيرة
[quote comment=”180″]
زي اخوي الصغير .. [/quote]
ماني صعيل انا اكبييييل <<< منجد صغير خخخخخـ
مبرووووووووووووووووووك ألف ألف ألف مبرووووك يلا عقبال الدكتوراه
إنشالله قول أمين!!
مبرووك التخرج بس ليش ما رضيلك ابوك صح انو احتمال انك ما تتخرج الا وانتا مصلع ,تكلم نفسك ومالك امل في الحياه وممكن لا انا دحين في جامعه البترول وادعلي يارب ارجع لاهلي سليم معافى يارب والله المفروض ابوك يسيبك بس هادا ابوك وهوا ادرى بس اتمنى ان لا تبطبق نفس الشئ على ابناءك في المستقبل القريب ان شاء الله