امس كانت حفلة التخرج 
الحفلة كانت بمناسبة تخرجنا 
( 5 أولاد وبنت ) من الثانوية ودخولنا الجامعة (دي الحفلة التانية)
انا سمعت انهم بيسوو حفلة من بداية الإجازة بس كل شوية يأجلوها 
المهم امس الجمعة امي تقلي الحفلة اليوم يلا اتعبى أنا 
اليوم الحفلة!
المهم بما انو الحفلة راح تكون في استراحة فلبست بطلون وتيشيرت
الإستراحة حق العيلة قريب من ( قرية مرسال ) 
وصلنا على المغرب
هم كانو مسوين مسابقات ومجهزين اشياء حلوة 
نحن الأولاد سرنا فريقين بس بصراحة مو متكافئين يعني الفريق الي فيه انا كان اغلبو كبار وشوية من الصغار عكس الفريق الثاني مع انو رؤساء الفرق كل واحد اختار الي يبغاه
كانت أول لعبة شد الحبل عاد نحن فزنا مع انهم قالو عيدوها واتعادة 3 مرات بس فزنا 
بعدين اللعبة الثانية كان فيها جري الفريق ينقسم لقسمين كل قسم في جهة
طريقة اللعبة يبدأ واحد من القسم الأول يروح للقسم الثاني وبعد ما يوصل يتحرك الي في القسم الثاني للقسم الأول وهكذا لين ما يسير الي في القسم الأول مكان الي في القسم الثاني والعكس
طبعاَ دي اللعبة يبالها جري وعاد أغلب فريقنا كبار فطبعاً هم فازو 
في لعبة من الألعاب كانت عبارة عن ايصال الكرة للسلة ( في ناس مغمضين يمشو وكمان في واحد يرمي يعني الكورة عشان توصل للنهاية يبالها وقت )
متابعة قراءة حفلة التخرج
أرشيف التصنيف: يوميات
مواقف تحدث لي في الحياة
في الخط السريع
اليوم وانا رايح أودي اخويه لدله الساعة 10 ونص عشان يحدد موعد لأنو رسب 
،
انا اقلو منتى طالع على اخوك
المهم وانا في الخط السريع بين التحلية وفلسطين انا في الخط الرابع << احلا مسار
وماشيء على 120 ( على القانون 
)
والا شوية الي قدامي يضغط فرامل! ويولع الفلشر
انا علطول فرملت وولعت الفلشر المهم مدري ليش كل الخط وقف! الاربعة المسارات كلها انا لا فحطت السيارة ولا صدمت في الي قدامي ولا شيء الحمدلله
وراية في مرسيدس ووراها ونيت 
الونيت اول ما فرمل السيارة فحطت وبدأت تروح يمين ويسار في النهاية صدم بالحاجز
متابعة قراءة في الخط السريع
صور: الباصات التراثية احد معالم جدة
اليوم وانا ماشي حصلت باص من الباصات التراثية بجدة
طبعاً للمعلومية دي الباصات مليانة في جدة
حكاية دي الباصات انو وقت ما جا النقل الجماعي على اساس انو يسير بديل لها جو اعترضو ومدري ايش في النهاية سمحو لهم ، بس التصريح لا يجدد الا لنفس السيارة وعشان كده تشوفوها مرررة قديمة
المهم انا شفت باص واقف قلت خليني اصورو للذكرى ومنها ارشفة معالم جدة الأثرية 
اتركم مع الصور والتعليق
انا منتسب لـ KAU :)
سبق وان حددت ثلاثة جامعات لنفسي في تدوينة سابقة
كنت اريد جامعة الملك فهد لكن لكن ابي لم يوافق !
أنا استخرت ودعيت وسويت الي عليه والباقي على الله
المهم اليوم كان موعد القبول بجامعة الملك عبدالعزيز بصراحة كانو منظمين
انا كان موعدي من الساعة 8 الى 9 ( أول دفعة ) المهم الإجراءات ما كان فيها ولا مشكلة منظمين وكل شيء بس الوحيد الي اخرنا بنكـ سامبا
من المواقف الطريفة احد اصحابي كان أول واحد يسجل فالمشرفين جو يسحبو رقم التقديم بالبارت كود طلع في مشكلة وما سار ما يقرأ المهم بما انو صاحبي الأول فتأخر شوية جاء عميد القبول قال للمشرفين اش رايكم نشغل الخطة البديلة ! صاحبي انبله 
في خطة بديلة !!!
المهم كل شيء سار مزبوط أول شيء كان فلم تعريفي عن الجامعة بعدين مرينا على مجموعة قامو بتدقيق البيانات بعدين رحنا غرفة حطو الأوراق في ملف وسجلو الإسم وخلونا نروح لقاعة اخرى انتظرت حوالي 10 دقائق جات بطاقتي الجامعية بعدين رحت متابعة قراءة انا منتسب لـ KAU 
انا والتقنية
خلاصة رحلتي للمدينة المنورة
يوم السبت 5 يوليو رحت المدينة المنورة
أبوية ما راح معانا ( كان عندو عمل ) يعني الي يسوق انا واخوية الي اكبر مني
اخوية الله يحفظو قال هو يبغى يسوق كل الخط وانا من باب الإيثار سبتو يسوق
وصلنا المدينة على الساعة 9 الليل (مشينا من جدة 5 العصر) رحنا لبيت سيدي (الي هو ابو امي :))
تنظيم الوقت كان عندي كالتالي
الصبح نوم 
وقت ما اصحى على الكمبيوتر (وقت ما كان شغال )
بين المغرب والعشاء اروح الحرم وكمان الفجر يعني ثلاثة صلوات في الحرم
خلاصة الرحلة