• يوم الاثنين الماضي كانت هناك رحلة من جامعتنا الى جامعة الملك عبدالله للعلوم والتقنية ( كاوست KAUST ) هم اختارو الطلاب الممتازين وانا كنت منهم:)

    هم قالولنا تعالو الساعة 8 الصبح عند مركز الملك فهد للأبحاث الطبية

    على الساعة 8:20 تقريباً جات حافلة من كاوست

    تقريباً تسعة الا ربع مشي الباص للجامعة

    على الساعة 10:25 كنا وصلنا البوابة الاولى للجامعة ( في تلاتة بوابات تعديها عشان تدخل المباني الأكاديمية !)

    بعد البوابة الأولى رحنا عند الامن عشان يعطونا بطاقات الدخول قعدنا حوالي نص ساعة في المبنى وبصراحة بدون اي سبب يدعو للتأخير بطاقات الأحوال اخدوها من اول وبطاقات الدخول وزعت بعدين عشوائياً ( بعدين هم اعتذرو على التأخير اللي سار)

    المهم عدينا البوابة التانية والتالتة بسرعة ودخلونا المبنى الرئيسي

    أول شيء كان في برزنتيشن عن الجامعة ومميزاتها ومتطلبات التسجيل

    وبعدين جا دكتور تخصصو تقريباً في Fluid Mechanic ، اتكلم عن تجربتو في الجامعة وكيف الجامعة توفر جميع التجهيزات للبحث العلمي يعني مثلاً هو طلب كمرات تصور 1000 صورة في الثانية، طلب 2 وجاتو 7 وزي كده وكمان التكلم عن بحثو اللي هو كيفية زيادة دقة الطابعات العايدية

    وبعدو رحنا للـ Diner Hall  اللي نقدر نقول عليه المطعم المركزي ، بصراحة المطعم جداً رائع مقسم الى كم قسم مأكولات شرق أوسطية ، ابطالية ، مشويات …

    وبعدها صلينا الظهر في مسجد الحرم الجامعي

    في شيء جميل في الساحة الكبيرة مقولة للملك عبدالله عن سبب انشاء الجامعة

    المقولة “رغبة مني في إحياء ونشر فضيلة العلم العظيمة التي ميزت العالمين العربي والإسلامي في العصور الأولى، فقد رأيت أن أؤسس جامعة الملك عبدالله للعلوم والتقنية على ساحل البحر الأحمر

    وبعدها رحنا المكتبة واخدونا في جولة

    وبعدها رحنا core labs  أو المختبرات المركزية

    منها مكان فيه شاشات كبيرة لعرض الصور

    حسب ماقالولنا الهدف منها انها تعطي الباحثين القدرة على عرض الصور ذات الحجم الكبير جداً وتساعدهم في التحليل واشياء اخرى

    بعدها كان عندنا وقت فاضي فودونا متحف العلوم والتقنية في الاسلام

    صور المتحف موجودة في المعرض اللي اسفل التدوينة لكن احب اتكلم عن ما اسميه لوحة التاريخ

    دي اللوحة باللمس فيها أبرز الاحداث اللي سارت تحت كل فترة زمنية في الاسلام ( اتوقع انو الشاشة هيه من تقنية windows surface )

    وبعدها اخدونا في رحلة داخل الحرم الجامعي

    بس المدينة الجامعية تقريباً فيها كل شيء يحتاجو الواحد والحدائق متنوعة وكمان في فعاليات عشان الناس ماتشعر بالملل

    وبعدها ودونا وحدة من الشقق

    من الأشياء الجميلة في كاوست

    • نظام النفايات مقسمة حسب النوع

    اتمنى منجد انو النظام يبدا يطبق في الأماكن المغلقة زي الشركات والمجمعات السكنية والجامعات وحبة حبة الين ما تنتشر الثقافة في المجتمع

    • ايضاً الجو مرررة لطيف هدا ونحن كنا برة الساعة 11 و 12 وماحسينا بالحر ، السبب برأيي كترة النوافير والأشجار لدرجة انك تحصلها في كل مكان
    • وهناك ايضاً شيء لفت نظري وهو كترة الدراجات ووجود مواقف لها في الجامعة ، طبعاً اتوقع النقطة اللي فوق ساهمت ايضاً انتشار الدراجات بالإضافة لتشجيع الجامعة ( الدراجات صديقة للبيئة)
    • وأيضاً أسماء المباني على أسماء كبار علماء المسلمين في العصر الذهبي زي الرازي و ابن سينا

    وهناك مجموعة من الأشياء الى اتمنى انهم يطوروها في الجامعة او يسووها

    • اول شيء البوابات دي اللي تحسسك انك داخل على سجن ولا منشاة عسكرية شديدة السرية !  انا اتفهم اجراءات الأامن بس يعني لو يحطوها بشكل يخليك ماتحس بدا اشيء ، بس برضو لا يتهاونو في موضوع الأمن لأنو لو اي شيء صغير سار ممكن يخرب اللي اتبنى كلوا !! ومعرض الكتاب اللي في الرياض مو بعيد عننا.

    انا عن نفسي حطيت كاوست ضمن احد الأماكن اللي ممكن أروحها بعد ما اخلص البكلوريوس

    ايش رايكم في كاوست ؟

    اللي يجي يقلي على الاختلاط ومدري ايش بصراحة انا شفت الناس اللي هناك محترمين مرررة ولا المسخرة اللي عندنا مرات تسير في الأسواق.

    معرض الصور

    Continue reading »

    Tags: , , , , ,

  • في البداية احب ابارك لكل المقبولين في الجامعة :)الجزء الأول

    كورس PIO 110 – احياء

    • المنهج جداً طويل !! ، الكتاب المرجع ( Text book ) غير مهم ابداً
      لأن الكورس معتمد على المحاضرات ، اي الي تاخذو في المحاضرة يجيك منو او استنتاج منه
      السلايدات تجدها في موقع Course Compass طبعاً مهي مجاناً لازم تشتري كرت ( الكرت ما يجي الا مع الكتاب !! )
      الكرت فيه رقم بيه تسجل في الموقع ( او ممكن تطلب من احد طلاب السنة الماضيه يعطيك اليوزر وبالباس )
      هناك Slides ( شرائح بوربوينت ) و Questions Bank (بنك الأسئلة )
      كل ما تخلص موضوع حاول تذاكرو من Slides وتحل الأسئلة الي في الموضوع من بنك الأسئلة
      هذا كلو قبل الإختبارات
    • يوم الاختبار انصحك تذاكر بنك الاسئلة فقط حاول تربط بين السؤال والإجابة الصحيحة

    STAT 110 – احصاء

    • لا تحسب ( زيي ) الاحصاء فقط زي الي اخذتو في الثانوية
    • المادة جداً رائعة وجميلة والكتاب المرجع ( Text book ) مرتب تقريباً
      لكن ايضاً المادة مهي سهلة ، تحتاج مذاكرة وجهد
    • حاول كل باب بعد ما تخلصوه تحل Exercises ( تمارين ) حق كل section (قسم ) و Review Exercises و Chapter Quiz الموجودة في Syllabus ( مخطط المادة )
    • ركز على Review Exercises و Chapter Quiz لأن اغلب مسائل الإختبار تتناول الأفكار الواردة فيهم
      اذا واجهت مشكلة في فهم المادة ( اي منتى قادر تفهم من الدكتور ) في ملخصات أشرف البركاتي تحصلها في مكتبة الخوارزمي الي في الجامعة الفرع الي موجود في مركز اللغة الانجليزية ELC مبنى 30 أو في مبنى كلية العلوم لكن انا رأيي تذاكرها مع الي ذكرتو في الأعلى واي سؤال اسأل دكتور المادة أو منسق المادة الدكتور سعيد الغامدي
    • ايضاً هناك Course Slides ( شرائح عرض للمادة ) تجدها في موقع منسق المادة
    • يوم الإختبار ذاكر Review Exercises و Chapter Quiz صحيح انها طويلة بس حاول تحل اغلبها ممكن الي لها نفس الفكرة اتعداها

    CHEM 110 – كيمياء

    • قسم الكيمياء للأسف غير منظم !!
    • لايوجد Syllabus بمعنى الكلمة للمادة ، نحن كان Syllabus جداً سيء هناك مواضيع فيه مهي معانا !!
      فإنته وحظك اذا الدكتور ممتاز راح تفهم واذا العكس ( زيي) فالله يعينك
    • الكتاب جداً سيء من ناحية التنظيم عبارة عن تعبير !! لا توجد نقاط ولا شيء !
    • الحل تذاكر من دفتر المحاضرة وتذاكر الكتاب العربي وايضاً ملخصات للمادة والله يعينك
    • الكثير يمدح الدكتور ياسر العنقري والملخص حقو لكن انا ما جربت ولا شيء
    • لا تحط المشكلة على الدكتور تقدر تجيب درجة عالية حتى اذا كان الدكتور جداً سيء ( اعرف ناس جابو A و A+ والدكتور الي درسهم جداً سيء )

    نصيحة اخيرة

    لا تغتر بمعدلك العالي في الثانوية وتقول انا شاطر !! وتترك المذاكرة لأن العواقب ستراها في المعدل
    خلي من الإختبارات الدورية تنبيه لك لكي ترى ان تستمر في هذا المستوى من المذاكرة او يبالك تنتبه لنفسك وتذاكر وتفهم
    واخيراً توكل على الله وادعوه

    Tags: , ,

  • اليوم كان عندنا اختبار الـ oral presentationالثاني

    في الإختبار الأول اتكلمت عن الـ blog في الثاني اتكلمت عن الـ WordPress

    دا مقطع فيديو للبرزنيشن

    Continue reading »

    Tags: , , ,

  • السبت خلصنا آخر اختبار وهو اختبار العملي لمادة CPIT 100
    انا ما اعترفت بالإختبار لأن الإختبار كلو عن الوندوز والوورد
    يعني خلصت الإختبارات يوم الخميس

    السنة التحضيرية

    السنة التحضيرية سواءً في جامعة الملك عبدالعزيز (بتكلم عن التخصصات العلمية ) او الملك فهد
    فيها عدة اختلافات

    جامعة الملك عبدالعزيز تنحسب السنة التحضيرية عكس جامعة الملك فهد

    ايضاً ساعات الحضور جامعة الملك فهد 32 ساعة اما الملك عبدالعزيز 27 و 24 يعني اذا السمستر الأول 27 ساعة السمستر التاني العكس

    جامعة الملك عبدالعزيز معدل السنة التحضيرية داخل في المعدل العام والمواد العلمية فيها ذات مستوى عالي
    عكس جامعة الملك فهد معدل السنة التحضيرية لايدخل في المعدل العام والمواد العلمية ليست ذات مستوى عالي

    Continue reading »

    Tags: , , , , , ,

  • سبق وان حددت ثلاثة جامعات لنفسي في تدوينة سابقة
    كنت اريد جامعة الملك فهد لكن لكن ابي لم يوافق :( !
    أنا استخرت ودعيت وسويت الي عليه والباقي على الله :s:
    المهم اليوم كان موعد القبول بجامعة الملك عبدالعزيز بصراحة كانو منظمين
    انا كان موعدي من الساعة 8 الى 9  ( أول دفعة ) المهم الإجراءات ما كان فيها ولا مشكلة منظمين وكل شيء بس الوحيد الي اخرنا بنكـ سامبا
    من المواقف الطريفة احد اصحابي كان أول واحد يسجل فالمشرفين جو يسحبو رقم التقديم  بالبارت كود  طلع في مشكلة وما سار ما يقرأ المهم بما انو صاحبي الأول فتأخر شوية جاء عميد القبول قال للمشرفين اش رايكم نشغل الخطة البديلة ! صاحبي انبله :g:  في خطة بديلة !!!
    المهم كل شيء سار مزبوط أول شيء كان فلم تعريفي عن الجامعة بعدين مرينا على مجموعة قامو بتدقيق البيانات بعدين رحنا غرفة حطو الأوراق في ملف وسجلو الإسم وخلونا نروح لقاعة اخرى انتظرت حوالي 10 دقائق جات بطاقتي الجامعية بعدين رحت Continue reading »

    Tags: , , ,

   

Recent Comments