• يوم الاثنين الماضي كانت هناك رحلة من جامعتنا الى جامعة الملك عبدالله للعلوم والتقنية ( كاوست KAUST ) هم اختارو الطلاب الممتازين وانا كنت منهم:)

    هم قالولنا تعالو الساعة 8 الصبح عند مركز الملك فهد للأبحاث الطبية

    على الساعة 8:20 تقريباً جات حافلة من كاوست

    تقريباً تسعة الا ربع مشي الباص للجامعة

    على الساعة 10:25 كنا وصلنا البوابة الاولى للجامعة ( في تلاتة بوابات تعديها عشان تدخل المباني الأكاديمية !)

    بعد البوابة الأولى رحنا عند الامن عشان يعطونا بطاقات الدخول قعدنا حوالي نص ساعة في المبنى وبصراحة بدون اي سبب يدعو للتأخير بطاقات الأحوال اخدوها من اول وبطاقات الدخول وزعت بعدين عشوائياً ( بعدين هم اعتذرو على التأخير اللي سار)

    المهم عدينا البوابة التانية والتالتة بسرعة ودخلونا المبنى الرئيسي

    أول شيء كان في برزنتيشن عن الجامعة ومميزاتها ومتطلبات التسجيل

    وبعدين جا دكتور تخصصو تقريباً في Fluid Mechanic ، اتكلم عن تجربتو في الجامعة وكيف الجامعة توفر جميع التجهيزات للبحث العلمي يعني مثلاً هو طلب كمرات تصور 1000 صورة في الثانية، طلب 2 وجاتو 7 وزي كده وكمان التكلم عن بحثو اللي هو كيفية زيادة دقة الطابعات العايدية

    وبعدو رحنا للـ Diner Hall  اللي نقدر نقول عليه المطعم المركزي ، بصراحة المطعم جداً رائع مقسم الى كم قسم مأكولات شرق أوسطية ، ابطالية ، مشويات …

    وبعدها صلينا الظهر في مسجد الحرم الجامعي

    في شيء جميل في الساحة الكبيرة مقولة للملك عبدالله عن سبب انشاء الجامعة

    المقولة “رغبة مني في إحياء ونشر فضيلة العلم العظيمة التي ميزت العالمين العربي والإسلامي في العصور الأولى، فقد رأيت أن أؤسس جامعة الملك عبدالله للعلوم والتقنية على ساحل البحر الأحمر

    وبعدها رحنا المكتبة واخدونا في جولة

    وبعدها رحنا core labs  أو المختبرات المركزية

    منها مكان فيه شاشات كبيرة لعرض الصور

    حسب ماقالولنا الهدف منها انها تعطي الباحثين القدرة على عرض الصور ذات الحجم الكبير جداً وتساعدهم في التحليل واشياء اخرى

    بعدها كان عندنا وقت فاضي فودونا متحف العلوم والتقنية في الاسلام

    صور المتحف موجودة في المعرض اللي اسفل التدوينة لكن احب اتكلم عن ما اسميه لوحة التاريخ

    دي اللوحة باللمس فيها أبرز الاحداث اللي سارت تحت كل فترة زمنية في الاسلام ( اتوقع انو الشاشة هيه من تقنية windows surface )

    وبعدها اخدونا في رحلة داخل الحرم الجامعي

    بس المدينة الجامعية تقريباً فيها كل شيء يحتاجو الواحد والحدائق متنوعة وكمان في فعاليات عشان الناس ماتشعر بالملل

    وبعدها ودونا وحدة من الشقق

    من الأشياء الجميلة في كاوست

    • نظام النفايات مقسمة حسب النوع

    اتمنى منجد انو النظام يبدا يطبق في الأماكن المغلقة زي الشركات والمجمعات السكنية والجامعات وحبة حبة الين ما تنتشر الثقافة في المجتمع

    • ايضاً الجو مرررة لطيف هدا ونحن كنا برة الساعة 11 و 12 وماحسينا بالحر ، السبب برأيي كترة النوافير والأشجار لدرجة انك تحصلها في كل مكان
    • وهناك ايضاً شيء لفت نظري وهو كترة الدراجات ووجود مواقف لها في الجامعة ، طبعاً اتوقع النقطة اللي فوق ساهمت ايضاً انتشار الدراجات بالإضافة لتشجيع الجامعة ( الدراجات صديقة للبيئة)
    • وأيضاً أسماء المباني على أسماء كبار علماء المسلمين في العصر الذهبي زي الرازي و ابن سينا

    وهناك مجموعة من الأشياء الى اتمنى انهم يطوروها في الجامعة او يسووها

    • اول شيء البوابات دي اللي تحسسك انك داخل على سجن ولا منشاة عسكرية شديدة السرية !  انا اتفهم اجراءات الأامن بس يعني لو يحطوها بشكل يخليك ماتحس بدا اشيء ، بس برضو لا يتهاونو في موضوع الأمن لأنو لو اي شيء صغير سار ممكن يخرب اللي اتبنى كلوا !! ومعرض الكتاب اللي في الرياض مو بعيد عننا.

    انا عن نفسي حطيت كاوست ضمن احد الأماكن اللي ممكن أروحها بعد ما اخلص البكلوريوس

    ايش رايكم في كاوست ؟

    اللي يجي يقلي على الاختلاط ومدري ايش بصراحة انا شفت الناس اللي هناك محترمين مرررة ولا المسخرة اللي عندنا مرات تسير في الأسواق.

    معرض الصور

    Continue reading »

    Tags: , , , , ,

  • بعد الكارثة التي حصلت في جدة بدأت الحملات التطوعية في الفيس بوك (FaceBook )
    كنت اتمنى ان اشارك لكن لم اجد الشجاعة في نفسي لهذا العمل
    امس الليل قررت اني اكون فرد نافع في المجتمع :D ومنها نكسب اجر وكان حمسني ولد عمي ياسر :)

    رحت سجلت في جمعية أصدقاء جدة و تكاتف

    اليوم الظهر على الساعة 3 تقريباً كنت انا ووولد عمي عند البيك الي في حي قويزة ( مركز الجمعيات التطوعية )
    مداخل الحي مغلقة لا احد يستطيع الدخول الا السيارات الحكومية والجمعيات ( عشان السرقات )

    كان على مجموعتنا توزيع بطانيات ( لحف نوم ) للأسر المتضررة

    نحن رحنا للمناطق المخططة ( البيوت عبارة عن عمائر وفلل وكل شيء مخطط )
    بصراحة شفت العجب
    أغلب جداران البيوت مكسرة ، لا يوجد بيت الا وبه اضرار بعض الأماكن تشوف آثار المياه وصلت قبل السقف بنصف متر او متر !
    الطين في كل مكان
    كبائن الهاتف كثير منها ساقطة ومعطلة
    المحلات جميعها بها اضرار ، بعضها تشوف المحل فاضي مافيه اي شيء !

    على المغرب رجعنا للمخيم :)
    وبعدين قعدنا شويه وعلى البيت :)

    أنا نسيت كميرتي في البيت :bo: بس التقط عدت صور بجوال ولد عمي

    مقطع فيديو

    الصور

    ملاحظات

    كانت في مشاكل مع الادلة ( الديل هو شخص يعرف المنطقة وغالباً من المنطقة)
    الدليل الي معانا ودانا لأماكن استراحات واماكن ما اتضررت من السيول ودا الشيء اخرنا ساعة!
    ايضاً عدم وجود خريطة للأحياء لجودة التوزيع على المنكوبين

    لكن الحق يقال شعرت بالفرحة لمن ساعدت المحتاجين ، شيء رائع لمن تسمع واحد يدعيلك

    Tags: , , , , , ,

  • hp logo
    يوم الخميس 6 رمضان ( 27 أغسطس ) في الليل اكتشفت ان مروحة لابتوبي لا تعمل !! وبذلك كان الجهاز ينطفي على طول ( يقعد تقريباً 10 دقايق وبعدين ينطفي )

    الجمعة جربت اشغل الجهاز اشتغلت الروحة بس طلعت ريحة التماس كهربة فقفلت الجهاز

    السبت وديت الجهاز لمركز الصيانة التابع لوكيل HP في السعودية ردجنتن REDINGTON في شارع فلسطين

    Continue reading »

    Tags: , , , ,

  • بعد الفلم الذي حدث لي مع السيارة Camry < << لاحظو كيف اتبرأت منها :ui:
    بدأت ادور على سيارة جديدة ……

    والحمدلله اليوم اشتريت Mazda 3

    وامس في الليل استلمت السيارة

    صور للسيارة ( ماشاء الله عليها )

    Mazda 3 Continue reading »

    Tags: , ,

  • كل عام وانت ألف خير على دخول الشهر الفضيل

    رمضان

    أسال الله ان نكون من المغفور لهم في هذا الشهر الفضيل
    *مصدر الصورة

    Tags: , ,

  • ماستر كارد

    قبل 10 ايام تقريباً رحت البنك الأهلي عشان افتح حساب ماستر كارد Master Card
    الي شجعني هو رسوم البطاقة ( 100 ريال في السنة ) انا اعتبر السعر مغري لأن الفيزا حسب ما سمعت بـ 300 ريال في السنة
    المهم رحت وطلب البطاقة قالولي بعد 10 ايام بالكتير راح توصلك البطاقة
    انا طلبت توصلني بـ DHL لأنو مافي بريد مسجل فيه اسمي ( بصراحة اعتبرو غباء تدفع 300 ريال في السنة عشان يعطوك بريد والمرسل يدفع ثمن الرسالة يعني ياخذو من المرسل والمستقبل )
    بعد 8 أيام من الطلب وصلني اتصال من DHL قالولي راح يوصلك طرد يكون موجود في فرع التحلية تقدر تستلمو بعد الظهر
    انا رحت اليوم التاني للأسف ما وصل بعد الظهر قالولي بعد ساعة ممكن يوصل
    رحت اليوم الي بعدو ( كان خميس ) واستلمت الطردين ( واحد فيه البطاقة والتاني الرمز السري )

    جيت افعل البطاقة كلمت الموظف قلي انته عندك حساب في الهاتف المصرفي ادخل بيه وفعل البطاقة !!
    انا ما عمري استخدمت الهاتف المصرفي
    قلتلو والحل قلي لازم تروح الفرع ( الفرع مارح يفتح الا السبت )

    اليوم رحت البنك وفعلت الهاتف المصرفي وفعلت البطاقة وكل شيء :gl:

    بالمناسبة اي واحد ما عندو ماستر كارد ويبغى يشتري استضافة اجنبية ممكن يراسلني وانا اعملو هيه :D

    ادعولي بالتوفيق في الاختبارات ( الاسبوع دا والي بعدو كلو اختبارات )

    *هذي التدوينة تعبر عن فرحتي :)

    Tags: , ,

« Previous Entries   

Recent Comments