قبل اسبوع تقريباً استلمت بطاقة سامبا ( بطاقة الطالب الي تجي عليها المكافئة 
)
بعد ما استلمتها من شؤون الطلاب جيت اروح للفرع الي في الجامعة
أول ما دخلت حسبت يوزعو صدقات !
البنكـ مرررة زحمة الناس واقفة على الباب مع انو الفرع كبير
المهم قلنا السكيوريتي افضل وقت نحضر الساعة 7 وننتظرو لين تمانية ونص لمن يفتحو فنسير اول ناس
طبعاً نحن مانقدر ابداً لأنو المحاضرات تبدأ من 8 وتنتهي 2 أو 2 وثلث فما في وقت الا بعد آخر محاضرة وداك الوقت يسير البنك مرررة زحمة 
في النهاية قررت يوم الأربعاء الي فات قلت بقعد عندهم لين اخلص
بس يوم الثلاثاء واحد من اصحابي قلي تقدر تفعلها من اي فرع (مع انهم قالولي لازم فرع الجامعة ) انا قلتلو متأكد قلي ايوه متأكد يوم الربوع رحت اقرب فرع للبيت دخلت الفرع قلتلو ابغى افعل البطاقة 
شاف الموظف البطاقة قلي سوري دي لازم من فرع الجامعة ! انا داك الوقت نفس اعطي صاحبي بـ 
ودا كمان 
يوم السبت بعد آخر محاضرة رحت سامبا مع كم واحد واخويه 
رحنا الفرع واخذنا رقم بعدين قاعد اسأل اش يحتاج التفعيل واحد قلي لازم تصور بطاقة الجامعة مع بطاقة الأحوال رحت لآلة التصوير الوحيدة الي في الفرع شفت كم واحد واقف سألو احد الموظفين اشبها ما تشتغل قالنا خربانة صورو في المكتبة ! << دا فرع ولا صدنقة! مع اني شفت الآلة حصلت مكتوب انتر باسوورد يعني ادخل الرقم السري وداك يقول خربانة << يحسبنا بُله ! 
المهم رحنا للمكتبة المجاورة حصلناها قفلت رحنا سألنا فين ممكن نصور رحنا قسم المكافئات في شؤون الطلاب قالو ماعندنا آلة تصوير ( او عطلانة مني متذكر ) بعدين حصلنا مكتب احد المدراء قلنالو نبغى نصور قالنا كُلكم تبغو تصورو << الحمدلله ماجاتنا عين
قالنا لا وخرج وقفل باب الغرفة طبعاً صرفنا قلنا عند قسم المكافئات
صاحبي هو ولد عميد القبول والتسجيل قلنا عند مكتب ابوه في آلة تصوير رحنا للمبنى الي فيه العمادة حصلنا في البداية موظف استعلامات او حاجة زي كده صاحبي قلو نبغى نصور بطايق الأحوال قلنا آلة التصوير عطلانة ( مدري كل آلات التصوير اتعطلت فجأة ! ) بعدين صاحبي راح عند ابوه وصور البطايق وكل شيء ، هو راح لوحدو ونحن قعدنا في مقاعد الإنتظار وانا قاعد شفت بعيني الموظف الي قلنا آلة التصوير عطلانة يصور أوراق ! << يعني يكذب علينا ولا ايش ؟؟؟
المهم رجعنا لسامبا مرة تانية طبعاً الرقم راح 
اخذنا رقم جديد وبعد شوية جا دوري وفعلت البطاقة لاحظت في البنك انو آلة التصوير يستخدموها ( يعني كان الموظف يكذب ولا اذني الي هيه خربانة ! )
خلصت كل شيء على الساعة 3 الا عشرة (يعني ساعة قاعد عشان افعل البطاقة )
طبعاً نتيجة الزحمة في مداخل ومخارج المواقف + زحمة طريق عبدالله السليمان
وصلت البيت بعد العصر على 4 العصر تقريباً
هل مررتم بنفس دا الفلم عند تفعيل البطاقة ؟؟ ماهو احسن بنك في رأيكم ؟
أنا أول مادخلت الجامعة 3 مرات أروح لبنك الراجحي يقولوا اليوم مافي فتح حساب
كرهت كل البنوك
بما أنَّ جامعتي تمتصُّ النقود لا تعطيها
فليست لديَّ تجربة في تفعيل ذلكـ ..
تجربتي مع ” مرمططة ” البنوك كانت قبل عدَّة أشهر تقريبًا عندما عملتُ مع إحدى الجهات التعليميَّة عن بعد ، فكانت المكافئة عبارة عن شيك بمبلغ كده من بنك الراجحي .
امممم ، والله العظيم من الساعة 8 إلى الساعة 11 الصباح وأنا والوالد من فرع لآخر في سبيل صرف هذا الشيك فقط !.
* لا يوجدقسم للنساء هنا .
* آسفة ، الآلة ” معطَّلة ” في فرعنا !.
* ما زال مبنى النساء تحت الترميم ، ربَّما يُفتح في وقتٍ آخر .
* البنك مغلق .. لا تسأل لماذا ؟
ما فجَّر دماغي أنَّ الفرع الوحيد الَّذي استطاع صرف شيكي بجوار منزلنا مباشرةً
كرهت البنوك .. جدًا !!
مرحبا طيفي
من جد المشكله هذى اتوقع كل من دخل الجامعه يعاني منها
وخاصه البنات يالله احسان من جد مرت علي نفس مشكلتك
للاسف وضعنا متعب الى متى الله اعلم مشاكل البنوك للاسف كل سنه بزياده تتعقد
الله يعينا
كل الشكر لك اخي طيفي من جد جيت ع الجرح
تحياتي لك اختك اريس
الله يسلمك ترى كل اللي قابلتهم اعتقد انهم مجرد حيوانات بيقابلوا الناس.. ليش الكذب،؟؟؟
يا اخي قول ما ابغى اصور لكم وخلاص.. وكانه لمن كانوا في المدارس و هم قرود و صغار
ما وضحوا لهم ان الكذب حرام واللي يكذب يدخل في ستين دهيه على جهنم.. يعني الى متى
راح يستمر الاتسخفاف بالناس؟؟
TO0OP
الراجحي
من اسوء البنوك
انا جيت افتح حساب عندو وقت ماكنت في الثانوية يقلي ما تقدر لأنك طالب !
ومدري ليش الدوائر متعاملة معاه القدرات والتحصيلي
إحسان
الراجحي من سيء لأسوء
دي سمعتو
ميزتو الوحيدة انو كل البنك اسلامي فقط
aris
والله مدري متى تتطور البنوك عندنا
لو عندك البطاقة الدهبية ولا الفضية وتروح الفرع يبوسو راسك
ولو بطاقتك عايدية تتمرمط مرمطة مابعدها مرمطة
محمد بن سالم
لاتحسب الموضوعع راح اخلي يعدي على خير
ممم
راح ارسل نسخة لعميد القبول والتسجيل
غريبه, مع انه جامعتنا تتعامل مع نفس البنك (سامبا). بس انا ما اتذكر انه كان في تفعيل, يعني يوم جيت اخذ بطاقه الجامعه مريت على سامبا (كانوا حطينا في مركز معارض كبير جمعوا فيه كل شي, البنك السكن البريد الخ) ووقعت على ورقه واخذت البطاقه.
هذي مو مشكلة البنك هذي مشكلة الجامعة كلها
لأنه إذا كانت الجامعة تجبرك على بنك معين فهذي تجارة مو مكافئة
لكن لو كانت مثل كلية المعلمين اللي تقول هات رقم حسابك واحنا نحول لك كان أفضل
ممممم مدري ماقد مريت بالشي هذا
احنا بكليتنا مافي بنك معين .. كل واحد وبنكه .. تعبي بس ورقة التفويض البنكي وتحط فيها رقم حسابك وبأي بنك والمكافأة توصلك عليها لا تفعيل بطاقات ولا شي الحمدلله
التطور زين في الأمور الفلوسية
آنا اخذت البطاقة بس فيها غلط في اللقب حذفو حرف
وقلت بكرة اللله يعين ابغى اروح اصلحها تفسي اعرف كم يآخد علشان يصلحوها؟؟
بنك سامبا في فرع جامعة الملك عبدالعزيز
محمد
مدري شكلو جامعتكم ممشين البنك صح
عندنا مدلعينهم
بس انا اعرف اتعامل معاهم
أذكى سيرف
مممم
ما يجبرني هو يفتحلي على طول
وحتى الي عندهم بطاقة في سامبا يعطوهم بطاقة تانية بإسم الجامعة
والحساب ما اقدر اسوي بيه الا السحب والتحويل لحساب سامبا
ممم
واتوقع دا احسن نظام لأنو مافيه اي مشكلة
انتو لو ماجاك الراتب
راح يقولولك المشكلة من البنك ومدري ايش
بسـ نحن مافي كل شهر يوم 25 تحصل المكافئة موجودة
Miss Jaz
زي ماقلت للي فوق
بظام حساب الطالب اكثر تطور وتفادي للخطأ
قمرهم كلهم
ما انتوقع شيء لأنو الخطأ منهم
اذا اخذو اتوقع يكون 70 لأنو في واحد سأل المدير اذا ضيعتها قالو تدفع 70 عشان تاخذ بدل فاقد
بصراحه شكرا على الفكره الاي قولتها من جد الله يبشرك بالخير انا عندي موعد عشان البطاقه لسى مارحت الله يستر
الله ياخذهم ذلونا على هالمكافأة