بكرة راح يكون اول يوم ادخل الجامعة كطالب منتسب لها

سبحان الله الأيام تمر

اول يوم لي في التمهيدي
رحت مع امي واتوقع اني بكيت لمن راحت امي << مو توقع الا اكيد

اول يوم للإبتدائي
ما ادري بكيت ولا لأ بس كنت ما اتكلم الا مع اخويه

اول يوم في المتوسطة
افتكر دا اليوم كانت الكهربة مقطوعة عن المدرسة بس ما بكيت

اول يوم في الثانوية
عايدي بس كنت احس اني خلاص كبرت لكن سارلي قلق ليلة اول يوم وما نمت مزبوط

اول يوم في الجامعة او بالأصح ليلة اول يوم بالجامعة
ما ادري انا فرحان لأني خلاص سرت في الجامعة وفي نفس الوقت عندي قلق من ايش الي راح يكون فيه
الأفكار تجي وتروح راح يكون في دراسة كيف الكتب المكافئة و… ووو اسئلة كثيرة تجول بخاطري لأجد لها جواب

اشتقت للمدرسة والي فيها

تحديث

هذي احداث اول يوم في الجامعة

خرجت من البيت حوالي الساعة 6:45 وصلت الجامعة على الساعة 7:30

اول محاضرة كانت الساعة 8:00 ماجا الدكتور قعدنا لين ما خلص ثلث الوقت ورحنا لمبنى الحاسب بعد حوسة طويلة رحنا ندور على قاعة (Lab1 ) ما حصلنا في النهاية عرفت انو بعد كم يوم تنزل جداول فيها اسماء اللابات مع ارقام القاعات

رجعت الإنجليش عشان اشوف في اي موظف اسألو عن الكتب (لأنو واحد من اصحابي مرو على قاعتهم وقالولهم جيبو الكتب من جرير كتب اودوس )ماحصلت ولا موظف  بعدين رجعت البيت انام وكدا خلص اليوم

ليلة العيد بعد صلاة العشاء كنت رايح سوق حراء الدولي اشتري طاقية ( كوفية ) صحيح انو عندي وحدة بس كنت ابغاها تسير اثنين بالإضافة كنت ابغى اروح للحلاق عشان ازبط شوشتي

المهم مشيت في طريق المدينة الا شويه اشوف دخان ابيض يطلع من العادم ( الشكمان ) وكل شويه يزيد في النهاية وقفت وقفلت السيارة وخرجت اشوف ايش الهرجة الدخان كان اختفى رجعت شغلت السيارة طلع الدخان مرة تانية انا داكـ الوقت كنت مرررة متوتر عاد اول مرة توقف عليه السيارة لوحدي خرجت برة السيارة شوية جالي واحد شباب قلي تبغى مساعدة طبعاً شكرتو وقلتلو ابوية جاي دحين وبعد شوية جاني واحد قالي انو ميكانيكي وقلي اصلحلكـ هيه دحين اذا تتصلح قلي روح جيب علبة زيت وموية من المحطة القريبة بعدين هو طلع معيار الزيت وشافو حصل زيت مع موية قلي الرؤوس انضربت
متابعة قراءة ايام العيد →

لا اعرف كيف ابدأ!
هل اعتذر عن غيابي عن المدونة
ام ابارك لكم العيد
الشهر الماضي مرت بي ظروف لم استطع ان ادخل على النت كثير بالإضافة الا اني بأنشئ بأنشئ موقع لأحد قريباتي ( سأتكلم عن التجربة بعد ما اخلص منه )
الريدر حق قوقل وصل عدد الخلاصات الي ما قرئتها في قسم المدونات فوق الـ 400 !  اما بقية الأقسام تعدى الألف
ان شاء الله احصل وقت اقعد على الريد
كانت خطتي ان اكتب عدد من التدوينات  الأفكار كانت في راسي لكن للأسف ما قدرت  ان شاء الله في وقت آخر
ايضاً في الأيام القادمة بإذن الله راح اكتب عن بعض المواقف الي سارتلي في رمضان والعيد

كل عام وانتم بخير
وعساكم من عواده
والله يعيده علينا باليمن والمسرات

متابعة قراءة عيدكم مبارك →

بمناسبة أول رمضان تشهده مدونتي

ابارك للجميع دخول شهر رمضان المبارك

رسالة لجميع زوار مدونتي

الشباب

بقرب رمضان

اهديلك
(سمبوستين) الحرفين
الاولين لعدوك والباقي
على خدودك!!

مبارك عليك دخول الشهر

لمن هم فوق30

لأحلى قمر..
عطر وزهر..
مع كرت.. يقول :
رمضان مبارك قبل كل البشر
متابعة قراءة رمضان 1429 →

قبل كم يوم رحت للسوبر ماركت الي قريب من بيتي (اسواق النجمة ) يعني هو مو كبير زي بنده  تقريباً زي الراية ودي الأشياء المهم انا كنت رايح اشتري مناقيش
رحت كده على الساعة 11 حصلت مافي احد عند الفرن! رحت الركن الي جنبو وقلتلو  خلاص قفلتو المناقيش ؟
كان في واحد فلبيني قلي لأ تعال الي جنبو يقلو بصوت راخي ليش قلتلو
انا في نفسي ضحكت عليهم
المهم بدأ يسويلي طلبي
شوية الا جات وحدة جنبي للأسف كانت كاشفة وجهها وشوية من شعرها باين
المهم انا قعدت بعدين شوية جا ابوها !!! انا استغربت انو ماقلها شيء كشف الوجه نقول عندهم مخرج بس الشعر والعباية الي احسها فستان

والمشكلة سعوديين لو قلنا اجانب ممكن تمشيها
المهم انا قلت مالي صلاح
لمن العامل خلاص بيغلف طلبي كانت السلة الي فيها اشيائي تحتها فقلتلها لوسمحتي
المهم اخذت السلة الا هية تسألني اش دا بيتزا كبيرة ولا وسط 
انا مسكت الضحكة في نفسي وقلتلها دا مو بيتزا دا مناقيش بالصوص  << هي تحسبو بتزا شكلها اول مرة تشوفو 

متابعة قراءة في السوق →