أرشيف الوسم: 1429

حج 1429 هـ-2

الجزء الأول

يوم العيد

وصلنا المخيم على الساعة 10:30 رمينا جمرة العقبة ، مكان مخيمنا يخلينا نروح لدور الثالث من الجمرات ( الجمرات: دور ارضي واول وثاني وثالث حتى الآن ) كان جداً فاضي كنت ارمي وصدري على الحوض ، وبعدين نزلنا تحت عشان نحلق تفاجأت بوجود اماكن اشبها بالأقفاص ممتلئة بالبشر ! وتشوف كم واحد جالس يحلق بالموس وبدون ما يحط على الشعر موية او شامبو ! يعني على الناشف ! وتشوف مناظر مخيفة !

الحملة ماجابت حلاقين بسبب منع الوزارة لدا الشيء ! بصراحة حالة مأساوية يعني ممكن عدد الحلاقين الرسميين ما يتجاوز 200 بالمقارنة عندك فوق 1.5 مليون حاج يبغى يحلق في منى !

ما ارتحنا للوضع تحت حصلنا واحد يبيع امواس (تستخدم مرة واحدة ) وطلعنا للمخيم كان في واحد جنب المخيم يقول انو حلاق ( بعدين عرفنا انو سواق ! ) المهم جبنا الموية والأدوات من المخيم وقعدت في الطابور لين حلق ليه طبعاً مهي حلاقة كانت جزارة بسـ الحمدلله ما انجرحت وبرضو زي الكل ماحلقلي مزبوط

في ناس في المخيم مع الزحمة حلقو لبعض في ناس غرزت الموس في رؤوس ناس وحالة ما يعلم بيها الا الله :jk: .

ما حسيت بالعيد الا في الليل :D

صورة للمخيم

متابعة قراءة حج 1429 هـ-2

حج 1429 هـ”1″

راح اذكر بعض المواقف الي واجهتني في رحلة الحج وفي النهاية راح اذكر بعض الإقتراحات

يوم 8 بعد الفجر رحنا للقاعة المتفق عليها المهم هناك استلمت التصريح وبطاقة المخيم واسورة الحملة وبعدين ركبنا الباص ورحنا لمكة

باص الحملة

متابعة قراءة حج 1429 هـ”1″

العودة

امس رجعت من الحج ، الساعة 11 تقريباً كنت في البيت

وكدا اكون اكملت اركان الإسلام كلها :loj: بصراحة الحج مرررة كان سهل بشكل ما التوقعته

احب اشكر الي مِسكت مدونتي اثناء غيابي  كما اشكر كل من ساعدني او رافقني في الحج كما اخص بالشكر حملة الفردوس بصراحة حملة جداً رائعة انصح الي يبغى يحج السنة الجاية يحج معاها :)

اليوم في العصر رقيت المدونة للإصدار 2.7  لوةحة التحكم انقلبت راس على عقب حسيتها مهي مدونتي :5g:

بسـ بصراحة اخشخ من 2.6 واكثر تعقيدا ! بسـ يبالي وقت عشان اتعود عليها