أرشيف الوسم: مدرسة

مدارس بلا بواب

امس رحت اجيب اختي من المدرسة لأنها تنتهي قريب من موعد انتهاء اختباري
المهم وصلت المدرسة ادور على الحارس مو موجود  :s: اقول لا يكون في غرفتو بس الغرفة مغلقة تماماً
غريبة باب المدرسة مفتوح والحارس غير موجود  :a:!!!
والمدرسة مدرسة ابتدائية !!!
دقيت البوري حق السيارة (كبرت سرت اسوق سيارة  :ui:) قلت ممكن يطلع لي الحارس
طلعتلي بنت  :t: من المدرسة قلتلها ابغى (….اختي ) راحت البنت تناديها وانا متعجب
طيب لو بنت طلعت بدون ما احد يعرف وضاعت ولا واحد خطفها ولا واحد اتحرش بيها
لا حد يقلي الدنيا امان ياما في قصص حصلت واولها قصة البنات الي في نفق الرياض :(
حتى لو في معلمة في المدرسة تنتبه للطالبات مايخرجو الى لمن يجي اهاليهم.
لو مجموعة من الطلاب أو الشباب دخلو متلثمين المدرسة وخطفو بنت ولا ضربوها ولا اي شيء سو بيها احد يقدر يمنعهم  :j:؟؟؟؟

مدرسة

وخاصة انو في اوقات ماتكون في ولا سيارة :(
طبعاً هذا الفلم يسير كل يوم في ايام الإختبارات يعني مو يوم واحد كل ترم كل سنة نفس الشيء وهذي مدرسة واحدة من المدارس الي يتغيب الحارس عن المدرسة
الحارس فقط يكون موجود وقت الحضور وبعدها ماتشوفو:(
يعني لازم ننظر تسير حادثة في مدرسة من المدارس عشان ننتبه للموضوع ؟؟؟؟
( مدرسة اختي في شمال جدة )

(الصورة لمدرستي في الليل)

*نسخة من الموضوع معدلة:) لمعالي النائب لتعليم البنات

تحديث

وصلني الرد من معالي نائب تعليم البنات

السلام عليكم ورحمة الله وبركاته :
فإشارة إلى رسالتكم الالكترونية إلى سمو النائب لتعليم البنات،فقد تم إحالتها إلى:
سعادة التربية والتعليم للبنات بمحافظة جدة:
برقم 1981/1/5 وتاريخ 3/7/1429هـ
كما نسعد باستمرار تواصلكم وعرض ملاحظاتكم ومقترحاتكم البناءة
ودمتم في رعاية الله وحفظة

المدونات بالإنجليزي

شعار وورد بريس

عندنا في المدرسة مدرس اللغة الإنجليزية من باب تحسين الكلام بالنسبة للطلاب وضع لكل طالب يتكلم عن موضوع باللغة الإنجليزية ( بدون ورقة) 10 درجات ( اي كأنو اختبار يحصل فيه على الفل مارك)

انا فكرت في الموضوع وفي النهاية وقع اختياري على المدونات

طبعاً في النص لا تسألو عن القواعد  :f:

blogs are web logs for any think which write in it.

there are many Differences between form and blog. the first Difference: in form you most obey the rolls for write in it but in your blog you can put your rolls and don’t most register in blogs for add comment. the second difference: in form member write the post and add comment but in your blog you write the posts and people add comment.

Thare are some kind of blogs like: blogger , jeeran, maktoob and wordpress but the best of them are wordperess.

faintly you can visit my blog at www.6efy.com is Called “modawent tafay”.

انا قلت الكلمة بعدين جاوبت على الأسئلة طبعاً الاب ما سألو <<< لأن القليل منهم يعرفو يتكلمو انجليزي

فقط ثلاثة طلاب سألو والأستاذ في واحد متخلف سأل سؤال ( are you have girls friend in your E-mail?) طبعاً صيغة السؤال غلط بس كأنو كان قصدو عندك صديقات في الإيميل <<< مدري اش دخل دا السؤال في المدونات :a:

طبعا الإستاذ قلي خلاص سيبك منو واجلس :)

شعار وورد بريس

هذي كلمتي أما اخوي التوأم فتحدث عن موقع ويكي بيديا

بعد كلمت اخوية الأستاذ قال للفصل ما شاء الله المليبارية مواضيع كلماتهم مرة حلو اخوهم الكبير (عبدالله) العام الماضي تكلم عن نغمة الناموس ودولا واحد اتكلم عن المدونات والآخر عن ويكي بيديا (عاصم ).

فاكس المدرسة

قبل كم يوم جاني اتصال من جامعة الملك فهد للبترول والمعادن
قالو لي بما انو درجاتكـ عالية في اختبار القدرات فإنته مرشح للذهاب لرحلة تعريفية للجامعة
والسكن والطيران على حساب الجامعة يعني ما عليه الا اني اوافق
وارسل بالفاكس اسمي ورقم فاكس وإذا كان سيرافقني احد ولا لوحدي
أنا سألتهم ما تقدرو رسلو الأشياء على الإيميل طبعاً للأسف كان الجواب لا

اليوم وفي المدرسة اتصلوبي مرة تانية < << عندنا مسموح الجوالات بس ما تطلعها قدام المدرسين
الهم
قالولي يبغو فاكس المدرسة

أنا رحت للوكيل
المشكلة انو لايبتسم في وجهكـ < < كأنكـ مسجون ولا مذنب
ويكلمك بطرف خشمو
وهو الوحيد الي عندو فاكس
المهم قلتلو الحكاية
قلي هم يبغو ينسقو معانا ونحن مانعين الرحلات للطلاب < << أتوقع هو يبغاني ما اروح
لأنو في رحلة نتظمها المدرسة بحوالي 1000 ريال < << لا تسأل فين تروح الفلوس:(

متابعة قراءة فاكس المدرسة