من المشاعر المقدسة الإعصار الأحمر يقول لكم
كل عام وانتم بألف خير 
في هذا الوقت سأكون في مزدلفة
تخيلو في نت في الحج 
واقدر اتابع مدونتي
مدري عن نفسي حتى لو كان في نت مارح ادخلو لأني ابغى اتفرغ
باقي 3 أيام واكون في بيتي انشاء الله ، واوعدكم بإذن لله راح اتكلم عن الحج بعد ما ارجع بالسلامة 
ليلة العيد بعد صلاة العشاء كنت رايح سوق حراء الدولي اشتري طاقية ( كوفية ) صحيح انو عندي وحدة بس كنت ابغاها تسير اثنين بالإضافة كنت ابغى اروح للحلاق عشان ازبط شوشتي
المهم مشيت في طريق المدينة الا شويه اشوف دخان ابيض يطلع من العادم ( الشكمان ) 
وكل شويه يزيد في النهاية وقفت وقفلت السيارة وخرجت اشوف ايش الهرجة الدخان كان اختفى رجعت شغلت السيارة طلع الدخان مرة تانية انا داكـ الوقت كنت مرررة متوتر عاد اول مرة توقف عليه السيارة لوحدي 
خرجت برة السيارة شوية جالي واحد شباب قلي تبغى مساعدة طبعاً شكرتو وقلتلو ابوية جاي دحين وبعد شوية جاني واحد قالي انو ميكانيكي وقلي اصلحلكـ هيه دحين اذا تتصلح قلي روح جيب علبة زيت وموية من المحطة القريبة بعدين هو طلع معيار الزيت وشافو حصل زيت مع موية قلي الرؤوس انضربت 
متابعة قراءة ايام العيد
لا اعرف كيف ابدأ!
هل اعتذر عن غيابي عن المدونة
ام ابارك لكم العيد
الشهر الماضي مرت بي ظروف لم استطع ان ادخل على النت كثير بالإضافة الا اني بأنشئ بأنشئ موقع لأحد قريباتي ( سأتكلم عن التجربة بعد ما اخلص منه )
الريدر حق قوقل وصل عدد الخلاصات الي ما قرئتها في قسم المدونات فوق الـ 400 ! اما بقية الأقسام تعدى الألف
ان شاء الله احصل وقت اقعد على الريد
كانت خطتي ان اكتب عدد من التدوينات الأفكار كانت في راسي لكن للأسف ما قدرت ان شاء الله في وقت آخر
ايضاً في الأيام القادمة بإذن الله راح اكتب عن بعض المواقف الي سارتلي في رمضان والعيد
كل عام وانتم بخير
وعساكم من عواده
والله يعيده علينا باليمن والمسرات