• يوم الاثنين الماضي كانت هناك رحلة من جامعتنا الى جامعة الملك عبدالله للعلوم والتقنية ( كاوست KAUST ) هم اختارو الطلاب الممتازين وانا كنت منهم:)

    هم قالولنا تعالو الساعة 8 الصبح عند مركز الملك فهد للأبحاث الطبية

    على الساعة 8:20 تقريباً جات حافلة من كاوست

    تقريباً تسعة الا ربع مشي الباص للجامعة

    على الساعة 10:25 كنا وصلنا البوابة الاولى للجامعة ( في تلاتة بوابات تعديها عشان تدخل المباني الأكاديمية !)

    بعد البوابة الأولى رحنا عند الامن عشان يعطونا بطاقات الدخول قعدنا حوالي نص ساعة في المبنى وبصراحة بدون اي سبب يدعو للتأخير بطاقات الأحوال اخدوها من اول وبطاقات الدخول وزعت بعدين عشوائياً ( بعدين هم اعتذرو على التأخير اللي سار)

    المهم عدينا البوابة التانية والتالتة بسرعة ودخلونا المبنى الرئيسي

    أول شيء كان في برزنتيشن عن الجامعة ومميزاتها ومتطلبات التسجيل

    وبعدين جا دكتور تخصصو تقريباً في Fluid Mechanic ، اتكلم عن تجربتو في الجامعة وكيف الجامعة توفر جميع التجهيزات للبحث العلمي يعني مثلاً هو طلب كمرات تصور 1000 صورة في الثانية، طلب 2 وجاتو 7 وزي كده وكمان التكلم عن بحثو اللي هو كيفية زيادة دقة الطابعات العايدية

    وبعدو رحنا للـ Diner Hall  اللي نقدر نقول عليه المطعم المركزي ، بصراحة المطعم جداً رائع مقسم الى كم قسم مأكولات شرق أوسطية ، ابطالية ، مشويات …

    وبعدها صلينا الظهر في مسجد الحرم الجامعي

    في شيء جميل في الساحة الكبيرة مقولة للملك عبدالله عن سبب انشاء الجامعة

    المقولة “رغبة مني في إحياء ونشر فضيلة العلم العظيمة التي ميزت العالمين العربي والإسلامي في العصور الأولى، فقد رأيت أن أؤسس جامعة الملك عبدالله للعلوم والتقنية على ساحل البحر الأحمر

    وبعدها رحنا المكتبة واخدونا في جولة

    وبعدها رحنا core labs  أو المختبرات المركزية

    منها مكان فيه شاشات كبيرة لعرض الصور

    حسب ماقالولنا الهدف منها انها تعطي الباحثين القدرة على عرض الصور ذات الحجم الكبير جداً وتساعدهم في التحليل واشياء اخرى

    بعدها كان عندنا وقت فاضي فودونا متحف العلوم والتقنية في الاسلام

    صور المتحف موجودة في المعرض اللي اسفل التدوينة لكن احب اتكلم عن ما اسميه لوحة التاريخ

    دي اللوحة باللمس فيها أبرز الاحداث اللي سارت تحت كل فترة زمنية في الاسلام ( اتوقع انو الشاشة هيه من تقنية windows surface )

    وبعدها اخدونا في رحلة داخل الحرم الجامعي

    بس المدينة الجامعية تقريباً فيها كل شيء يحتاجو الواحد والحدائق متنوعة وكمان في فعاليات عشان الناس ماتشعر بالملل

    وبعدها ودونا وحدة من الشقق

    من الأشياء الجميلة في كاوست

    • نظام النفايات مقسمة حسب النوع

    اتمنى منجد انو النظام يبدا يطبق في الأماكن المغلقة زي الشركات والمجمعات السكنية والجامعات وحبة حبة الين ما تنتشر الثقافة في المجتمع

    • ايضاً الجو مرررة لطيف هدا ونحن كنا برة الساعة 11 و 12 وماحسينا بالحر ، السبب برأيي كترة النوافير والأشجار لدرجة انك تحصلها في كل مكان
    • وهناك ايضاً شيء لفت نظري وهو كترة الدراجات ووجود مواقف لها في الجامعة ، طبعاً اتوقع النقطة اللي فوق ساهمت ايضاً انتشار الدراجات بالإضافة لتشجيع الجامعة ( الدراجات صديقة للبيئة)
    • وأيضاً أسماء المباني على أسماء كبار علماء المسلمين في العصر الذهبي زي الرازي و ابن سينا

    وهناك مجموعة من الأشياء الى اتمنى انهم يطوروها في الجامعة او يسووها

    • اول شيء البوابات دي اللي تحسسك انك داخل على سجن ولا منشاة عسكرية شديدة السرية !  انا اتفهم اجراءات الأامن بس يعني لو يحطوها بشكل يخليك ماتحس بدا اشيء ، بس برضو لا يتهاونو في موضوع الأمن لأنو لو اي شيء صغير سار ممكن يخرب اللي اتبنى كلوا !! ومعرض الكتاب اللي في الرياض مو بعيد عننا.

    انا عن نفسي حطيت كاوست ضمن احد الأماكن اللي ممكن أروحها بعد ما اخلص البكلوريوس

    ايش رايكم في كاوست ؟

    اللي يجي يقلي على الاختلاط ومدري ايش بصراحة انا شفت الناس اللي هناك محترمين مرررة ولا المسخرة اللي عندنا مرات تسير في الأسواق.

    معرض الصور

    Continue reading »

    Tags: , , , , ,

  • يوم السبت 5 يوليو رحت المدينة المنورة
    أبوية ما راح معانا ( كان عندو عمل ) يعني الي يسوق انا واخوية الي اكبر مني
    اخوية الله يحفظو قال هو يبغى يسوق كل الخط وانا من باب الإيثار  :ui: سبتو يسوق :)
    وصلنا المدينة على الساعة 9 الليل (مشينا من جدة 5 العصر) رحنا لبيت سيدي (الي هو ابو امي :))

    تنظيم الوقت كان عندي كالتالي
    الصبح نوم  :q: وقت ما اصحى على الكمبيوتر (وقت ما كان شغال )
    بين المغرب والعشاء اروح الحرم  وكمان الفجر يعني ثلاثة صلوات في الحرم

    خلاصة الرحلة

    Continue reading »

    Tags: ,

  • جامعة الملك فهد (في اليوم الثاني في الرحلة ذهبانا لأقسام الجامعة الى الظهر وبعد الظهر كان هناك لقاء مع وكيل الجامعة للشؤون الأكاديمية وعميد القبول والتسجيل وعميد شؤون الطلاب لمشاهدة الجزء الأول )

    في قاعة الأمير نايف بعد الظهر كان هناك لقاء مع الدكتور عبدالعزيز الصويان وكيل الجامعة للشؤن الأكاديمية و الدكتور الدكتور عمر بن عبدالله السويلم عميد القبول والتسجيل و الدكتور مسفر بن محمد الزهراني عميد شون الطلاب حيث بدأ اللقاء بتعريف من وكيل الشؤون الأكاديمية عن الجامعة و مميزاتها حيث ذكر بأنها من افضل الجامعات في المنطقة وترتيبها في عدد البحوث 111 حول العالم بالإضافة الى الإعتماد الأكاديمي من ابت للهندسة ثم كان الدور لعميد القبول والتسجيل حيث اوضح ان التسجيل سيبدأ بعد الإختبارات بأسبوع

    وايضاً سيتم التعاقد مع البريد السعودي لإرسال الوثائق المطلوبة للتسجيل ( سيكون في دي السنة او القادمة)

    Continue reading »

    Tags: , ,

  • جامعة الملك فهد للبترول والمعادن

    في مبادرة لجامعة الملك فهد للبترول والمعادن قامت بإستضافة الطلاب المتميزين في اختبار القدرات العامة لتعريفهم بالجامعة

    كان موعد الرحلة من يوم الثلاثاء 6 مايو الى الخميس 8 مايو

    يوم الثلاثاء 6 مايو بعد العصر رحت المطار

    وكالعادة لازم تتأخر الطيارة نص او ثلث ساعة في مطار الملك عبدالعزيز عن الموعد الأصلي

    المهم وصلنا مطار الملك فهد الدولي تقريباً في الساعة الثامنة والنصف

    أول ما نزلنا للمطار حصلنا كاونتر للجامعة رحبو بنا وسجلو الأسماء وبعدين ركبنا الباصات

    أول شيء رحنا قاعة الأمير نايف << طبعاً سبنا الشنط في الباص

    وصلنا القاعة اعطونا بطاقات ودخلنا الحفل كان دوبو بدأ

    الحفل كان لتكريم الطلاب الفائزين في اولمبيات الرياضيات 3 كان الراعي الرسمي للمسابقة شركة الإتصالات السعودية

    اول فقرة قراءة من القرآن الكريم

    ثم كانت هناك كلمة لمدير السابقة الدكتور حسين العطاس الذي تحدث عن النسخة الثالثة من اولمبيات الرياضيات ثم كان هناك تكريم للطلاب الفائزين والراعي الرسمي

    الأول 20 ألف ريال وميدالية ذهبية والثاني 15 الف وميدالية فضية

    وهذي صورة جماعية للفائزين

    صورة جماعية للفائزين في اولمبيات الرياضيات 3

    Continue reading »

    Tags: , ,

  • جامعة الملك فهد للبترول والمعادن تعمل رحلة تعريفية للجامعة للطلاب المتميزين
    دي السنة اخذوا افضل الطلاب الحاصلين على درجات عالية في اختبار القدرات
    والحمدلله كنت من المختارين وعددهم تقريباً 75 طالب
    اليوم في العصر راح تكون الرحلة الى الشرقية
    والعودة يوم الخميس يعني يوم الربوع راح نكون في الشرقية <<< يعني راح اكون غايب
    طبعاً هذي بادرة جيدة لجامعة الملك فهد لجذب العقول
    وان شاء الله سأحدد في هذه الرحلة وجهتي في التعليم العالي
    الإعصار الأحمر

    Tags: , , ,

  • قبل كم يوم كنت في الطايف (عروس المصايف )مع عائلتي

    رحنا الصبح يوم الخميس 10 ابريل ورجعنا السبت في الليل 12ابريل

    طبعا من طريق السيل لأنو طريق الهدا مغلق للتطوير وسيتم توسعته ليصبح مسارين

    المهم القصة في يوم الجمعة في الليل قلنا خلينا نتعشى البيك

    سألنا احد السيارات قلنا في برج العبيكان في قلب الطايف الدور الثاني وهو الفرع الوحيد في الطايف

    رحنا هناك نبغى نشتري ونروح لأحد الأماكن في الهدا

    خرجت أنا وأخويه رحنا البوابة إلي سكيرتني يوقفنا يقلنا ممنوع الشباب !!! دحين بس عائلات

    Continue reading »

    Tags: , , , ,

   

Recent Comments