ستة أسرار لايعلمها من يقابلني أول مرة

قبل اسبوعين ممرت مضيعة بيتهم واجب بس انا على غير عادتي أخرت الواجب :)

قوانين الواجب :

1 – أذكر اسم من طلب منك حل هذا الواجب.

2 – أذكر القوانين المتعلقة بهذا الواجب.

3 – تحدث عن ستة أسرار قد لا يكتشفها من يقابلك للمرة الأولى.

4 – حول هذا الواجب إلى ستة مدونين، وأذكر أسماءهم مع روابط مدوناتهم في موضوعك.

5 – اترك تعليق في مدونة من حولت الواجب عليهم، ليعلموا عن هذا الواجب

الأسرار الستة :)

  1. ان لدي اخو توأم بس أنا اكبر منو بـ 5 دقائق << أكبر منكـ بيوم اعلم منكـ بسنة  :ui: .
  2. الكمبيوتر الي اشتغل عليه بنتيوم 4 سرعتو 2.6 الرام 512 وابشركم فيه باد :) ومشترك بيني واخوية ، الكثير من اصحابي يستغربو من اني اعرف افرمت الكمبيوتر وعندي خلفية في البرامج ( ترى مو مدحاُ لنفسي دولا الناس تقول عني :q: ) بس ان شاء الله في دا الصيف راح اشتري لابتوب :D .
  3. انا ما احب الكورة اطلاقاً  :ui: ثانية وثالث ثانوي مالعبت في المدرسة ولا يوم بإستثناء آخر حصتين في ثالث ثانوي واحد من اصحابي حمسني :) .
  4. انني امتلكـ مدونة :) وموقع على الويب << ترى ابوية حتى الآن موعارف انو عندي موقع  :ui: .
  5. انني احد الطلاب اي اختارتهم مؤسسة الملك عبدالعزيز لرعاية الموهوبين “بعني بالعربي موهوب :D ” (ان شاء الله أكتب عن البرامج الي رحتها مع المؤسسة حوالي برنامجين صيفيين و برنامج اثراء (للأسف اتوقف في نصو :( ) وبرنامج القيادة ) وهذي البرامج بالإضافة لبرامج وزراة التربية والتعليم (للموهوبين ) ساعدتني في التعبير ( امس واحد لمن شاف المدونة قلي ماشاء الله تعرف تعبر عن نفسكـ من فين اكتسبت دا الشيء ) والكثير من المهارات الأخرى كالتخطيط وصناعة الأهداف.
  6. تفكيري على قولة بعض اصحابي أكبر من عمري(دا حسب تعبيري ) ( زي ماقالي واحد لمن قلتلو ليش ماتحط لنفسكـ حدود حمرا واهداف قالي انته المفترض ماتكون مع دا الجيل ).

بصراحة أنا جا في بالي اني ما انشرها “اخليها خاصة” لأني حاسس انها اغلبها مدح عشان كده اضفت دي الأسرار

  1. اني ما سافرت برة السعودية ابداً :( .
  2. مزحي شويه ثقيل :)  << بس مو طول الوقت يعني اوقات واوقات :D .
  3. اني طيب بالمررررة  << وترى دا شيء مو حلو :( ( العام واحد من الفصل بس علاقتي معاه مهي قوية طلب دفتر الكيمياء نهاية السنة اعطيتو  بس رجعلي بعد اسبوع ( يعني خلاص الإختبارات حتبدأ :( ) و الكثير من المواقف الي سارتلي بسبب طيبتي الزايدة والتي احاول ان اتغلب عليها .
  4. السر الأخير برايفت ( قلنا خاص يعني لا تطالع …. ماوقفت ماتعرف انو اللقافة!!   خلاص مابكتب شيء : P ).

يعني سارت 9 اسرار من غير البرايفت( المفترض تكونو ماقرأتو البرايفت :k: ) معليش خالفنا القوانين  :r:

دحين نجي للمدونين الي نحولهم الوجب دا

خلاص يكفي ثلاثة نقصنا في المدونين وزودنا الأسرار ;)

تبليغ المدونين: اتركـ قوقل بيج سيرش يقوم بالمهمة بدالي :ui:

10 تعليقات على “ستة أسرار لايعلمها من يقابلني أول مرة”

  1. ما شاء الله تبارك الله… الواجبات هلت بسرعة :D

    طال عمرك إن شاء الله سويت نفس هالواجب تقريباً بس مو 6 أسرار… 20 سراً طال عمرك :ui:

    كافية وإلا لازم نسوي نقس الصيغة؟؟ تكفى وافق لأني عجااااااااااااااز :ui:

    على العموم تسلم يا حبيب ألبي وإن شاء الله أحاول أخترع واجب ما أحد يقدر يحله :e:

    تحياتي؛؛؛

  2. :ui: اعترف هل اخوك التوئم يدون او لا ؟؟

    بدور مدونة مشابه لمدونتك اكيد بيكون اخوك :k:

    حلو التوائم لما يكونون متشابهين مرة ومافي بينهم اي فرق

    تمنياتي لك بالتوفيق

  3. اووووة سوري
    توني انتبه انى انا اللى مررت لك الواجب لوووووووووووول

    ياحليلي والله مررت الواجب على العالم العربي كلة الظاهر :ui:

    اعطيك 10 من 10

    لانك حليت الواجب وفوق المطلوب …

    :)

  4. أبو سعد

    كافية وإلا لازم نسوي نقس الصيغة؟؟ تكفى وافق لأني عجااااااااااااااز

    طيب عجانكـ عجووووز نوافق :D < << تراني زيكـ ماسويتو زي ما هو مطلوب زودت 3 اسرار ;)

    مضيعه بيتهم

    اعترف هل اخوك التوئم يدون او لا ؟؟

    هدا سر :ui:
    بصراحة لأ

    توني انتبه انى انا اللى مررت لك الواجب

    بسرررعة روحي دكتور العيون شيكي على النظر :e:

    اعطيك 10 من 10

    لانك حليت الواجب وفوق المطلوب …

    سامع يأبو سعيد حليت الجواب وفق المطلوب :f:

  5. ياحليلك والله
    بالله وش شعورك وانتا عندك اخو توأم ؟ :j:

    طيب هوا يشبهك بالشكل كمان ؟

    وانتو نفس النحف والا في احد أدبب من الثاني ؟ :j:

    بجد ودي أعرف :ui:

    شطوور يا اعصار 10 \ 10 ويلا جاوبني :ui:

  6. ما شاء الله عليك

    العين عليك باردة اخوي الاعصار و انا احييك على روحك الاكثر من حلوة و خفيفة على القلب ..

    تقبل تحياتي بصدفة زيارتي ..

    أخوك

    LL2LL
    Love Life 2 Live Longer

  7. هذيان

    بالله وش شعورك وانتا عندك اخو توأم ؟

    :j:

    شعور أي مواطن سعودي :ui:
    والله بصراحة مدي بس شيء عايدي انتي ما عندكـ توأم < < يحسب الناس كلها عندهم توائم :)

    طيب هوا يشبهك بالشكل كمان ؟ :j:

    أنا اشوف لأ حتى اخواني وامي
    بس سيدي ( أبو امي ) ما يفرق بيننا :ui:
    أول لمن كنا صغار ما كان في فرق بس دحين في فرق بس المشكلة الي تواجه الكل مين عامر ومين عاصم ؟

    وانتو نفس النحف والا في احد أدبب من الثاني ؟

    الصراحة أنا انحف من أخوية :ui:

    LL2LL

    تراني امزح بس :ui:

    ومعليش ما قهويتكـ لأني مسافر :jk:
    بس اتمنى تكون استمتعت في رحاب مدونتي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*