• امس رحت اجيب اختي من المدرسة لأنها تنتهي قريب من موعد انتهاء اختباري
    المهم وصلت المدرسة ادور على الحارس مو موجود  :s: اقول لا يكون في غرفتو بس الغرفة مغلقة تماماً
    غريبة باب المدرسة مفتوح والحارس غير موجود  :a:!!!
    والمدرسة مدرسة ابتدائية !!!
    دقيت البوري حق السيارة (كبرت سرت اسوق سيارة  :ui:) قلت ممكن يطلع لي الحارس
    طلعتلي بنت  :t: من المدرسة قلتلها ابغى (….اختي ) راحت البنت تناديها وانا متعجب
    طيب لو بنت طلعت بدون ما احد يعرف وضاعت ولا واحد خطفها ولا واحد اتحرش بيها
    لا حد يقلي الدنيا امان ياما في قصص حصلت واولها قصة البنات الي في نفق الرياض :(
    حتى لو في معلمة في المدرسة تنتبه للطالبات مايخرجو الى لمن يجي اهاليهم.
    لو مجموعة من الطلاب أو الشباب دخلو متلثمين المدرسة وخطفو بنت ولا ضربوها ولا اي شيء سو بيها احد يقدر يمنعهم  :j:؟؟؟؟

    مدرسة

    وخاصة انو في اوقات ماتكون في ولا سيارة :(
    طبعاً هذا الفلم يسير كل يوم في ايام الإختبارات يعني مو يوم واحد كل ترم كل سنة نفس الشيء وهذي مدرسة واحدة من المدارس الي يتغيب الحارس عن المدرسة
    الحارس فقط يكون موجود وقت الحضور وبعدها ماتشوفو:(
    يعني لازم ننظر تسير حادثة في مدرسة من المدارس عشان ننتبه للموضوع ؟؟؟؟
    ( مدرسة اختي في شمال جدة )

    (الصورة لمدرستي في الليل)

    *نسخة من الموضوع معدلة:) لمعالي النائب لتعليم البنات

    تحديث

    وصلني الرد من معالي نائب تعليم البنات

    السلام عليكم ورحمة الله وبركاته :
    فإشارة إلى رسالتكم الالكترونية إلى سمو النائب لتعليم البنات،فقد تم إحالتها إلى:
    سعادة التربية والتعليم للبنات بمحافظة جدة:
    برقم 1981/1/5 وتاريخ 3/7/1429هـ
    كما نسعد باستمرار تواصلكم وعرض ملاحظاتكم ومقترحاتكم البناءة
    ودمتم في رعاية الله وحفظة

    Posted by الإعصار الأحمر @ 1:04 م

    Tags: , ,

4 تعليقات to مدارس بلا بواب

  • يوووووووووه معقوله

    ايش دا التخلف .. و كمان مدرسة ابتدائية

    صدق اهمال و بقووة كمان ..

    البواب فيه و في خطر على البنات الصغار اجل كيف لو ماهو فيه ..

    و الا وين المعلمات هذوله ..!

    و الا المديرة مديها بس تزعق على الصغار .. و فمواقف زي هذه و لا هي داريه عن الدنيا و ولا يطلع لها صوووت ..

    ما اقول الا مالت على ابليس ..

  • Huda
    والله انا ما ادري عن المعلمات ولا المديرة < << مادخلت اطالع :ui:

    بس هدا الي صاير من أكثر من سنة ومحد اتكلم
    ودي مشكلتنا نقعد ساكتين

    وبعدين لو في مديرة ومعلمات برأيكـ يقدرو يسوو شيء لو واحد دق البوري وطلعت البنت الي تسألو تبغى مين وراح خطفها !!! :j:

    مضيعه بيتهم

    الله منجد جدة غير :(

    انا ما اقدر اكلم الإدارة < < كيف ادخل :ui:
    ولا اش رايكـ اسوي عملية اقتحام :e:

    .............................
    ارسلت لنائب مدير التربية والتعليم للبنات وماحصلت حتى الآن جواب :(

    الإعصار الأحمر

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*

Subscribe without commenting