هذي اجاباتي عن
اسئلة عن للتدوين والمدونات لعمل تقرير خاص بالتدوين
السؤال الأول : ما الأمر الذي دَفَعكْ لإنشاء مدونة ؟؟ وهل هي مدعومة بالوورد بريس ؟؟
السبب الرئيسي لعمل مدونة هو حفظ شروحاتي ومواضيعي في المنتديات في مكان واحد
حتى لا تضيع ويذهب جهدي لكن لم اكن اعرف ماهو التدوين ؟ فقط كنت اعرف اسكربت وورد بريس
اول مدونة كانت في استضافة مجانية لكن لم استطع ان ابدأ في الكتابة لمشاكل في الإستضافة المجانية
بعدها انتقلت كدومين فرعي لموقع ولد عمي ثم انتقلت لدومني الخاص
قبل اسبوع تقريباً استلمت بطاقة سامبا ( بطاقة الطالب الي تجي عليها المكافئة 
)
بعد ما استلمتها من شؤون الطلاب جيت اروح للفرع الي في الجامعة
أول ما دخلت حسبت يوزعو صدقات !
البنكـ مرررة زحمة الناس واقفة على الباب مع انو الفرع كبير
المهم قلنا السكيوريتي افضل وقت نحضر الساعة 7 وننتظرو لين تمانية ونص لمن يفتحو فنسير اول ناس
طبعاً نحن مانقدر ابداً لأنو المحاضرات تبدأ من 8 وتنتهي 2 أو 2 وثلث فما في وقت الا بعد آخر محاضرة وداك الوقت يسير البنك مرررة زحمة 
في النهاية قررت يوم الأربعاء الي فات قلت بقعد عندهم لين اخلص
بس يوم الثلاثاء واحد من اصحابي قلي تقدر تفعلها من اي فرع (مع انهم قالولي لازم فرع الجامعة ) انا قلتلو متأكد قلي ايوه متأكد يوم الربوع رحت اقرب فرع للبيت دخلت الفرع قلتلو ابغى افعل البطاقة 
شاف الموظف البطاقة قلي سوري دي لازم من فرع الجامعة ! انا داك الوقت نفس اعطي صاحبي بـ 
ودا كمان 
الصفحات الآمنة أو المشفرة
هي صفحات جميع بياناتها مشفرة اي لا يستطيع احد مشاهدتها غيرك
وغالباً تكون في الإيميل ومواقع البيع والشراء ومواقع البنوك
طبعاً فائدتها لايستطيع احد مشاهدة الصفحة والمعلومات المدخلة غيرك لأن الصفحة مشفرة بالكامل
كيف تعرف ان هذه الصفحة آمنة؟
متابعة قراءة الصفحات الآمنة
قبل اسبوعين نزل جدولي المعتمد
وزي ما تعرفو الجدول يكون بالساعات ونحن الأوريا ( المستجدين ) 
متعودين على الجدول العايدي الي فيه الأيام
وكمان عشان تسير الشغلة مرتبة عشان ما يسير بعد اسبوع تنتبه انكـ ناسي محاضرة 
دا الجدول في موقع الجامعة
طبعاً يبالكـ تفردو وتخلي بالأيام
انا عملت الجدول بتنسيقي الخاص (بمساعدة Office 2007 )
متابعة قراءة جدول الجامعة
بكرة راح يكون اول يوم ادخل الجامعة كطالب منتسب لها
سبحان الله الأيام تمر
اول يوم لي في التمهيدي
رحت مع امي واتوقع اني بكيت 
لمن راحت امي << مو توقع الا اكيد 
اول يوم للإبتدائي
ما ادري بكيت ولا لأ بس كنت ما اتكلم الا مع اخويه
اول يوم في المتوسطة
افتكر دا اليوم كانت الكهربة مقطوعة عن المدرسة بس ما بكيت
اول يوم في الثانوية
عايدي بس كنت احس اني خلاص كبرت لكن سارلي قلق ليلة اول يوم وما نمت مزبوط
اول يوم في الجامعة او بالأصح ليلة اول يوم بالجامعة
ما ادري انا فرحان لأني خلاص سرت في الجامعة وفي نفس الوقت عندي قلق من ايش الي راح يكون فيه
الأفكار تجي وتروح راح يكون في دراسة كيف الكتب المكافئة و… ووو اسئلة كثيرة تجول بخاطري لأجد لها جواب 
اشتقت للمدرسة والي فيها 
تحديث
هذي احداث اول يوم في الجامعة
خرجت من البيت حوالي الساعة 6:45 وصلت الجامعة على الساعة 7:30
اول محاضرة كانت الساعة 8:00 ماجا الدكتور قعدنا لين ما خلص ثلث الوقت ورحنا لمبنى الحاسب بعد حوسة طويلة رحنا ندور على قاعة (Lab1 ) ما حصلنا في النهاية عرفت انو بعد كم يوم تنزل جداول فيها اسماء اللابات مع ارقام القاعات
رجعت الإنجليش عشان اشوف في اي موظف اسألو عن الكتب (لأنو واحد من اصحابي مرو على قاعتهم وقالولهم جيبو الكتب من جرير كتب اودوس )ماحصلت ولا موظف بعدين رجعت البيت انام 
وكدا خلص اليوم
الجميع يعرف الحديد ارتفع سعرو وسار 5 آلاف للطن انا افتكر جدي (الله يرحمو ) قبل 10 سنوات تقريباً كان بيسوي إصلاحات في البيت ( زمان ماكانو يحطو خرسانة في ارضية الحوش والدور الأرضي المهم طاحت الأرضية على تحت فقالو بيحطو خرسانة ) الشاهد في الموضوع كان طن الحديد بـ 300 ريال يعني 10 سنوات قفز سعر الحديد فوق 15 ضعف!!!
قبل كم يوم كنت ماشي في مخطط واشوف فلل بتنبني
اترككم مع الصور
